कोरियामा बसोबासको लागि गाइडबुक

कोरियामा पारिवारिक जीवन अद्वितीय छ। कोरियाली परिवारका विशेषताहरु बुझ्ने वैवाहिक आप्रवासीहरूले आफ्नो नयाँ परिवारसँग आफूलाई सजिलै समायोजन गर्न र कोरियाली संस्कृतिलाई बुझ्न सक्छन्। पारिवारिक संस्कृति परिवार र क्षेत्र अनुसार फरक हुन सक्छ। कोरियाली संस्कृति कन्फ्यूशियसको सिद्धान्तमा आधारित छ। कोरियाको पारिवारिक संस्कृति कन्फ्युसियाली संस्कृति अँगाल्ने देशहरूसँग केही समानता राख्दछ, तर यो तीव्र औद्योगीकरणको प्रक्रियामा परिवर्तन भएको छ।

विवाह मार्फत पारिवारिक सम्बन्ध, जिवनशैली, सोचबिचार परस्पर फरक भएका व्यक्ती मिलेर परिवारको सृजना हुन्छ। तसर्थ पारिवारिक जिवनको बारेमा बैचारिक भिन्नता सन्तुलन गर्नु वैवाहिक जिवनको शुरुवातमा अत्यन्तै जरूरी छ। भिन्ना सांस्कृतिक परिवेश बाट आएका दुई व्यक्ती मिलेर बहुसांस्कृतिक विवाहको खण्डमा पारिवारिक जिवनको बारेमा सोचाइको भिन्नता अझ बढी हुन सक्ने तथ्यलाई ध्यान दिन जरुरी छ। जिवनसाथीसंगको विचारको भिन्नताले गर्दा पारिवारिक जिवन कठिनाइ भएमा तल उल्लेखित उपाय पेश गर्दछौ।

कोरियामा हामीले कसैलाई बोलाउँदा वा एउटै व्यक्ति उल्लेख गर्दा धेरैजसो विविध थर वा पदनामको प्रयोग गर्ने गर्दछौं। त्यसैले सम्बोधन वा साइनो गर्दा गलत भएमा खराब व्यवहार भएको व्यक्ति भइने हुनाले सावधान हुनु पर्दछ। साइनो भनेको कुनै व्यक्तिलाई प्रत्यक्ष रुपमा गरिने कुरा हो र सम्बोधन भनेको कुनै व्यक्तिलाई अरु व्यक्ति संग भन्नु पर्दा गरिने कुरा भएकोले सबै भन्नु पर्दा नाम भनिन्छ।

कोरियामा वक्ता र श्रोता बीचमा उमेर, सम्बन्ध, सामाजिक स्थिति आदिको भिन्नताको आधारमा भाषा शैलीमा आंशिक भिन्नता देखिन्छ। यी भिन्नताहरूलाई व्यापक रूपमा दुईवटा बोल्ने शैलीहरूका रुपमा वर्णन गर्न सकिन्छ : सम्मानजनक र अनौपचारिक अभिव्यक्ति।

पारिवारिक जीवनमा धेरै महत्वपूर्ण अवसरहरू आउँछन, जस्तै परिवारका सदस्य वा साथीहरूको जन्म, विवाह अथवा मृत्यु। यस्ता अवसरहरू व्यक्ति र परिवार दुवैका लागि महत्वपूर्ण हुन्छन्, त्यसैले तपाईँले यस्ता अवसरमा आफ्नो परिवारका सदस्यसँग समय बिताउनु पर्छ।

कोरियामा परम्परागत र आधुनिक दुवै प्रकारका विवाह हुन्छन्, तर आजभोली परम्परागत विवाहलाई आधुनिक विवाह पद्धतिले लगभग ढाकिसकेकोले गर्दा यो विवाह पद्धति हराउँदै गइसकेको देखिन्छ। आधुनिक विवाहहरू विवाह भवन, होटल, चर्च, मन्दिर आदिमा सम्पन्न गरिन्छन्। विवाहका लागि बेहुलाले टक्सेडो र बेहुलीले एउटा विशेष पोशाक लगाउँछन्। ड्रेस लगाएर विवाह गर्छन। विवाहपश्चात, बेहुला र बेहुली दुवैले लुगा परिवर्तन गरेर कोरियाली परम्परागत पोशाक लगाउँछन र बेहुलाका आमाबाबु र अन्य वुजुर्गहरूलाई पेबेक (Pyebaek*) को सम्मान दिन्छन्।

परिवारले शोक मनाउने लुगा लगाउँछन र मृतकलाई विशेष लुगा लगाइदिन्छन्। सामान्यमा, वृद्धहरूको जीवित अवस्थामा यस्ता लुगाहरू अग्रिममा नै तयार पारिन्छन्। यी वस्त्रहरू परिवार र क्षेत्र अनुसार भिन्ना भिन्नै हुन्छन्। केही अवस्थाहरूमा, मृतकलाई पाटको कालो वा सेतो लुगा लगाइन्छ। मुन्साङ(munsang)* मा उपस्थित हुने पाहुनाहरूले चहकिलो रङ्ग लगाउनु हुँदैन, र सेतो वा कालो लुगा लगाउनु पर्ने छ। मुन्साङ(Munsang)को बेलामा तपाईंले सम्मानका साथै परिवारसँगै सहभागी भएर प्रार्थना गर्नु पर्नेछ। सहानुभूति देखाउनको लागि मृतकको परिवारलाई पैसा पनि प्रदान गरिन्छ।

मृत्युवरण गरिसकेका मातािपताको सम्मान स्वरुप मृत्यु भएको दिन वा त्यसको अघिल्लो दिनको राती सहभागीजनले साधारण पोशाक लगाएर मृत आत्माको संझना र सम्मान गर्ने चलन छ। परिवारको संस्कार र धर्म अनुसार ंमनाउने तरिका फरक हुन सक्छ।