ຄູ່ມືການດໍາລົງຊີວິດໃນເກົາຫລີ

ຖ້າທ່ານເປັນຄົນຕ່າງຊາດທີ່ຕັ້ງໃຈເຂົ້າມາໃນເກົາຫຼີ, ທ່ານຕ້ອງມີໜັງສືຜ່ານແດນທີ່ຖືກຕ້ອງ ແລະມີວີຊາທີ່ອອກໃຫ້ໂດຍກະຊວງຍຸຕິທໍາ. ທ່ານອາດຈະເຂົ້າເກົາຫຼີໄດ້ໂດຍບໍ່ມີວີຊາ ຖ້າທ່ານມາຈາກປະເທດທີ່ໄດ້ລົງນາມໃນຂໍ້ຕົກລົງວ່າດ້ວຍການຍົກເວັ້ນວີຊາກັບເກົາຫຼີ, ຫຼືຖ້າທ່ານມີສິດອື່ນສຳລັບການເຂົ້າປະເທດໂດຍບໍ່ມີວີຊາ. ທ່ານຈຳເປັນຕ້ອງກວດເບິ່ງວັນທີໝົດອາຍຸເທິງໜັງສືຜ່ານແດນ ແລະວີຊາຂອງທ່ານ, ເພື່ອຈະບໍ່ໄດ້ອຸປະສັກໃນກໍລະນີທີ່ທ່ານຕ້ອງການຂະຫຍາຍເວລາການພັກເຊົາອອກໄປ ແລະອື່ນໆ.

ວັນທີໝົດອາຍຸທີ່ລະບຸເທິງວີຊາແມ່ນວັນທີໝົດອາຍຸຂອງການພັກເຊົາທີ່ອະນຸຍາດໃຫ້.

ໄລຍະເວລາທີ່ອະນຸຍາດ / ທີ່ຖືກຕ້ອງ (ວັນທີ) ຂອງການພັກເຊົາແລະວັນຫມົດອາຍຸແມ່ນຂຽນຢູ່ດ້ານຫລັງຂອງບັດລົງທະບຽນຄົນຕ່າງປະເທດ, ແລະທ່ານຕ້ອງຍື່ນຂໍວີຊາທີ່ຖືກຕ້ອງເພື່ອຂະຫຍາຍໄລຍະເວລາການພັກເຊົາກ່ອນວັນຫມົດອາຍຸເພື່ອຢູ່ຕໍ່ໄປຕາມກົດຫມາຍ. (ບັດ​ທີ່​ຢູ່​ອາ​ໄສ​ຖາ​ວອນ​ຕ້ອງ​ໄດ້​ຮັບ​ການ​ອອກ​ໃຫມ່​ພາຍ​ໃນ​ໄລ​ຍະ​ທີ່​ມີ​ສິດ​ໄດ້​)

ຊາວຕ່າງຊາດ ທີ່ພັກເຊົາເປັນໄລຍະຍາວກວ່າ 90 ວັນ ໃນເກົາຫຼີ ຕ້ອງແຈ້ງຂື້ນທະບຽນຄົນຕ່າງດ້າວພາຍໃນ 90 ວັນ.

ນອກຈາກເອກະສານຂ້າງເທິງ, ເອກະສານຕໍ່ໄປນີ້ຂອງຄູ່ສົມລົດເກົາຫຼີແມ່ນຕ້ອງການ :

ການຮ້ອງຂໍ ແລະ ການອອກ (ອອກບັດຄືນໃໝ່) ບັດຕ່າງດ້າວ ສາມາດຍື່ນຄຳຮ້ອງໄດ້ທີ່ ອົງການກວດຄົນເຂົ້າເມືອງ ແລະ ບໍລິການຄົນ ຕ່າງປະເທດທີ່ທີ່ຢູ່ໃກ້ກັບສະຖານທີ່ພັກເຊົາຂອງທ່ານ.

ບັດຕ່າງດ້າວ ເປັນບັດປະຈຳຕົວ ທີ່ຢັ້ງຢືນສະຖານະພາບຂອງຄົນຕ່າງປະເທດໃນເກົາຫຼີ, ຊຶ່ງຄົນຕ່າງປະເທດ ແຕ່ລະຄົນ ຕ້ອງໄດ້ຖືບັດດັ່ງກ່າວ ຕະຫຼອດເວລາ, ຖ້າລະເມີດພັນທະການຖືບັດ, ອາດຈະຖືກປັບໄໝ 1,000,000 ວອນ ລົງມາ.

ໃນກໍລະນີຕໍ່ໄປນີ້, ຄົນຕ່າງປະເທດຄວນສະໝັກຂໍອອກບັດການຈົດທະບຽນຄົນຕ່າງດ້າວຂອງເຂົາເຈົ້າຄືນໃໝ່ຢູ່ທີ່ຫ້ອງການຄົນເຂົ້າເມືອງ ຫຼື ຫ້ອງການຄົນຕ່າງປະເທດ (ຫຼື ຫ້ອງການສາຂາ) ທີ່ເໝາະສົມ.

ຄົນຕ່າງຊາດ ທີ່ມີຈຸດປະສົງ ພັກເຊົາໃນເກົາຫຼີ ດົນກວ່າໄລຍະພັກເຊົາທີ່ອະນຸຍາດໃຫ້ ຈຳເປັນຕ້ອງຂໍອະນຸຍາດຕໍ່ວິຊາພັກເຊົາ ພາຍໃນ 4 ເດືອນ ກ່ອນ ວິຊາພັກເຊົາ ຈະໝົດອາຍຸ. ໃນກໍລະນີ ການສະເໜີຂໍຕໍ່ເວລາພັກເຊົາ ກາຍກຳນົດວັນທີ່ນັດໄວ້, ທ່ານຈະຖືກປັບໃໝ.

ຖ້າຊາວຕ່າງປະເທດ ທີ່ພັກເຊົາ ໃນເກົາຫຼີ ມີຈຸດປະສົງ ຢາກປ່ຽນວິຊາພັກເຊົາ ຍ້ອນການຢຸດເຊົາກິດຈະກໍາ ທີ່ໄດ້ຮັບອະນຸຍາດ ຫຼື ຢາກປ່ຽນວິຊາພັກເຊົາ ເປັນປະເພດອື່ນ ຕາມການປ່ຽນແປງການດຳເນີນກິດຈະກໍາຂອງຕົນນັ້ນ, ຕ້ອງສະໝັກນໍາ ອົງການກວດຄົນ ເຂົ້າເມືອງ ແລະ ບໍລິການຄົນຕ່າງປະເທດ(ສຳນັກງານໃຫຍ່ ຫຼື ຫ້ອງການສາຂາກໍ່ໄດ້)ທີ່ມີສິດອຳນາດເພື່ອຂໍເອົາໃບອະນຸຍາດກ່ອນດໍາເນີນກິດຈະກໍາດັ່ງກ່າວ.

ຊາວຕ່າງຊາດ ທີ່ມີຈຸດປະສົງ ຈະພັກເຊົາເກີນ 91 ວັນ (ຍົກເວັ້ນຜູ້ຖືວີຊາໄລຍະສັ້ນ 90 ວັນ) ຢູ່ໃນເກົາຫຼີ ທີ່ຢາກຮັກສາສະຖານະການພັກເຊົາປະຈຸບັນ ໄປພ້ອມກັນ ແລະ ຢາກດຳເນີນກິດຈະກໍາອື່ນ ທີ່ບໍ່ກົງກັບປະເພດວິຊາການພັກເຊົາຂອງຕົນນັ້ນ ຕ້ອງສະໝັກຂໍເອົາໃບອະນຸຍາດ ສຳລັບກິດຈະກໍາທີ່ຕ່າງຈາກວິຊາພັກເຊົາ ກ່ອນ ຈຶ່ງລົງມຶດຳເນີນກິດຈະກຳດັ່ງກ່າວ.

ແມ່ຍິງເຂົ້າເມືອງ ເພື່ອການແຕ່ງງານ (F-6) ສາມາດຊອກວຽກເຮັດໄດ້ໂດຍບໍ່ຈຳເປັນຕ້ອງປ່ຽນວິຊາ. ໃນກໍລະນີມີຈຸດປະສົງຊອກວຽກເຮັດໃນຂົງເຂດທີ່ມີການລະບຸງເງື່ອນໄຂຕ່າງຫາກ ຢູ່ໃນກົດໝາຍນັ້ນ ຕ້ອງໄດ້ປະຕິບັດ ຕາມເງື່ອນໄຂຂອງກົດໝາຍນັ້ນ.

ຄົນຕ່າງຊາດ ທີ່ໄດ້ອອກຈາກປະເທດເກົາຫຼີໄປ ໂດຍໄດ້ຮັບອະນຸຍາດ ໃຫ້ກັບຄືນປະເທດເກົາຫຼີໄດ້ອີກນັ້ນ ໃນກໍລະນີ ຜູ້ກ່ຽວ ບໍ່ສາມາດກັບຄືນເຂົ້າເກົາຫຼີໄດ້ ພາຍໃນວັນເວລາທີ່ກຳນົດໃຫ້ ຫຼື ໄລຍະເວລາທີ່ຍົກເວັ້ນໃຫ້ ຍ້ອນເຫດຜົນສ່ວນຕົວ, ຜູ້ກ່ຽວ ສາມາດ ເຂົ້າໄປຕໍ່ອາຍຸ ການເຂົ້າ ປະເທດເກົາຫຼີ ຄືນໃໝ່ ຢູ່ສະຖານທູດເກົາຫຼີ ຫຼື ກົງສຸນເກົາຫຼີ ທີ່ປະຈຳຢູ່ໃນປະເທດຂອງຕົນ. ຖ້າຜູ້ກ່ຽວ ບໍ່ເດີນທາງເຂົ້າປະເທດ ເກົາຫຼີ ພາຍໃນວັນເວລາທີ່ກຳນົດໃຫ້, ສິດທິການພັກເຊົາ(ທີ່ໄດ້ຮັບໃນເວລາຢູ່ເກົາຫຼີ) ຈະຖືກສະລະສິດ.

ສຳລັບ ຄົນຕ່າງປະເທດ ທີ່ໄດ້ລົງທະບຽນແລ້ວນັ້ນ ຖ້າເກີດມີກໍລະນີດັ່ງຕໍ່ໄປນີ້, ຕ້ອງໄດ້ແຈ້ງບ່ອນພັກເຊົາ ຫຼື ບ່ອນເຮັດວຽກ ໃຫ້ແກ່ອົງການກວດຄົນເຂົ້າເມືອງ ແລະ ບໍລິການຄົນຕ່າງປະເທດ(ທັງສຳນັກງານໃຫຍ່ ຫຼື ຫ້ອງການສາຂາກໍ່ໄດ້) ພາຍໃນ ວັນເວລາ 15 ວັນ ນັບແຕ່ມື້ເກີດບັນຫາ ເປັນຕົ້ນໄປ. ຖ້າໃຜລະເມີດກົດລະບຽບດັ່ງກ່າວນີ້ ຈະຖືກປັບໄໝຄ່າລ່ວງລະເມີດ ແລະ ຄ່າທຳນຽມ ຕາມລະບຽບກົດໝາຍ ຊຶ່ງຈະມີຜົນສະທ້ອນຕໍ່ການພັກເຊົາໃນເກົາຫຼີ ສະນັ້ນ, ແຕ່ລະຄົນ ຕ້ອງໄດ້ລະມັດລະວັງເປັນພິເສດ.

ຄົນຕ່າງປະເທດ ທີ່ໄດ້ຈົດທະບຽນໃນປະເທດເກົາຫຼີແລ້ວນັ້ນ ຈະຕ້ອງໄດ້ແຈ້ງຂໍ້ມູນການປ່ຽນແປງຕໍ່ໄປນີ້ ໃຫ້ແກ່ອົງການກວດຄົນເຂົ້າເມືອງ ແລະ ບໍລິການຄົນຕ່າງປະເທດ(ສຳນັກງານໃຫຍ່ ຫຼື ຫ້ອງການສາຂາ) ທີ່ມີສິດອຳນາດ ໃນການຄຸ້ມຄອງຂອບເຂດບ່ອນພັກເຊົາ ຫຼື ຫ້ອງການເຮັດວຽກຂອງທ່ານ ພາຍໃນ 15 ວັນ ນັບຈາກວັນທີ່ມີການປ່ຽນແປງເປັນຕົ້ນໄປ.