ຄູ່ມືການດໍາລົງຊີວິດໃນເກົາຫລີ

ສູນບໍລິການສຸຂະພາບສາທາລະນະແມ່ນເປັນອົງກອນບໍລິການສຸຂະພາບສາທາລະນະທີ່ຖືກສ້າງຕັ້ງຂື້ນມາເພື່ອສົ່ງເສີມສຸຂະພາບຂອງຄົນໃນທ້ອງຖິ່ນແລະປ້ອງກັນແລະຈັດການກັບເຊື້ອພະຍາດ. ໜ້າທີ່ຮັບຜິດຊອບຂອງສູນບໍລິການສຸຂະພາບສາທາລະນະລວມມີໂຄງການເບິ່ງແຍງສຸຂະພາບ, ການປ້ອງກັນແລະຄວບຄຸມພະຍາດຕິດຕໍ່, ການປະຕິບັດການປິ່ນປົວພະຍາດທົ່ວໄປ, ການທົດລອງແລະທົດສອບ, ການຈັດການສຸຂະອະນາໄມສາທາລະນະແລະອາຫານ, ການໃຫ້ ຄໍາແນະນໍາແລະການຈັດການໃນການປິ່ນປົວພະຍາດແລະການບໍລິຫານວຽກງານທົ່ວໄປຂອງປະຊາຊົນ. ໃນແງ່ຂອງການບໍລິການສຸຂະພາບ, ສູນບໍລິການສຸຂະພາບສາທາລະນະໃຫ້ບໍລິການປິ່ນປົວພະຍາດຊໍາເຮື້ອ, ປິ່ນປົວທາງຮ່າງກາຍ, ປິ່ນປົວແຂ້ວ ແລະ ບໍລິການປິ່ນປົວພະຍາດພາກຕາເວັນອອກ. ໃນຖານະທີ່ເປັນສູນບໍລິການສຸຂະພາບສາທາລະນະທີ່່ສ້າງຕັ້ງຂື້ນແລະ ຄຸ້ມຄອງໂດຍລັດຖະບານທ້ອງຖິ່ນ. ຂອບເຂດ, ເນື້ອໃນ ແລະ ລາຄາໃນການປິ່ນປົວພະຍາດອາດມີຄວາມແຕກຕ່າງກັນ. ສໍາລັບລາຍ ລະອຽດ, ກະລຸນາຕິດຕໍ່ຫາສູນບໍລິການສຸຂະພາບສາທາລະນະ ໃນທ້ອງຖິ່ນຂອງທ່ານ.

ກຸ່ມຄົນດ້ອຍໂອກາດ ຫຼື ຜູ້ເຖົ້າ ທີ່ມີອາຍຸ 65 ປີຂື້ນໄປ ທີ່ຢູ່ໂດດດ່ຽວ, ຄອບຄົວຜົວເມຍຜູ້ເຖົ້າ ທີ່ມີອາຍຸ 75 ປີ ຂື້ນໄປ ທີ່ມີຄວາມຫຍຸ້ງຍາກ ບໍ່ສາມາດເຂົ້າເຖິງລະບົບການບໍລິການສາທາລະນະສຸກໄດ້ນັ້ນ, ທາງສຸກສາລາເຂດ ຈະຈັດສົ່ງທີມແພດ ຫຼື ພະຍາບານ ໄປບໍລິການສຸຂະພາບ ໃຫ້ກັບທີ່ ເພື່ອຄຸ້ມຄອງສຸຂະພາບຂອງເຂົາເຈົ້າ.

ສູນສະຫວັດດີການສຸຂະພາບຈິດ ເປັນອົງກອນ ທີ່ເບິ່່ງແຍງສຸຂະພາບສາທາລະນະທີ່ຊ່ວຍປ້ອງກັນການເປັນໂລກຈິດ,ບົ່ງມະຕິຄົນເຈັບ ທີ່ເປັນ ໂລກຈິດ, ໃຫ້ຄຳປຶກສາ ແລະ ບໍລິການບໍາບັດໂລກຈິດ, ການຈັດການກໍລະນີເຈັບເປັນ, ໃຫ້ການສຶກສາ, ບໍລິການໃຫ້ຄໍາປຶກສາ ແລະ ການປະຊາສໍາພັນ ເພື່ອປັບປຸງສຸຂະພາບຈິດ. ຄົນເຈັບທີ່ພົບຄວາມຫຍຸ້ງຍາກອັນເນື່ອງມາຈາກໂລກຊືມເສົ້າ, ຄວາມຜິດປົກກະຕິຂອງສຸຂະພາບຈິດ ແລະ/ຫຼືຕິດຢາເສບຕິດ ສາມາດຊອກ ຫາການບໍລິ ການໃຫ້ຄໍາປຶກສາແລະຄວາມຊ່ວຍເຫຼືອຈາກ ສູນສະຫວັດດີການສຸຂະພາບຈິດ ທີ່ຢູ່ໃກ້ຕົວທ່ານ.