ຄູ່ມືການດໍາລົງຊີວິດໃນເກົາຫລີ

ຄົນເກົາຫຼີ ມັກເຕົ້າໂຮມກັນກິນເຂົ້າຮ່ວມກັນ ຫຼາຍຄົນ ແລະ ມີມູນເຊື້ອໃນການແບ່ງປັນອາຫານ ໃຫ້ກັນ ແລະ ກັນ. ເວລາເຊີນແຂກຜູ້ໃດຜູ້ໜຶ່ງມາເຮືອນ ແມ່ນຈະຕ້ອນຮັບດ້ວຍອາຫານທີ່ມີລົດຊາດ ແລະ ດີກວ່າ ອາຫານທີ່ກິນປົກກະຕິ. ໂດຍທົ່ວໄປແລ້ວ, ອາຫານທີ່ຄົນເກົາຫຼີ ມັກກິນ ສ່ວນຫຼາຍ ແມ່ນເຂົ້າຈ້າວ, ນ້ຳແກງໃດໜຶ່ງ ແລະ ອາຫານຍ່ອຍຫຼາຍໆເຍື່ອງ. ນອກຈາກ ແກງແລ້ວ ຍັງມີຕົ້ມຍຳ, ແກງເຜັດສົ້ມຜັກ ຫຼື ຖົ່ວເນົ່າ ແລະ ອື່ນໆ, ສ່ວນອາຫານຍ່ອຍ ປະກອບມີ ຍຳຖົ່ວງອກ ຫຼື ຜັກ ແລະ ຜັກກູດ, ອົບກະດູກ, ອົບເຜັດປາ ຫຼື ຊີ້ນ, ປິ້ງຊີ້ນ, ຈືນຊີ້ນ, ຈືນປາ, ຈືນກຸ້ງ ຫຼື ມັນ ແລະ ອື່ນໆ ເຫຼົ່ານີ້ ເປັນຕົ້ນ. ອາຫານກັບເຂົ້າ ທີ່ເປັນຕົວແທນ ແລະ ປະບໍ່ໄດ້ໃນພາເຂົ້າເກົາຫຼີ ແມ່ນກິມຈິ(ດອງສົ້ມຜັກປະສົມແປ້ງໝາກເຜັດ). ສໍາລັບອາຫານທີ່ຄົນເກົາຫຼີນິຍົມກິນແທນເຂົ້າ ແມ່ນ(ເຟີຮ້ອນ, ໝີ່ເຢັນ), ແກງແປ້ງປັ້ນຊູເຈບີ ແລະ ຕົ້ມເຂົ້າປະປາ. ແຕ່ມາໃນຍຸກໃໝ່ນີ້, ຄອບຄົວທີ່ຜົວເມຍ ເຮັດວຽກທັງສອງ ໄດ້ນັບມື້ເພີ່ມ ຊຶ່ງໄດ້ສົ່ງຜົນສະທ້ອນເຖິງວັດທະນະທຳການກິນຂອງເກົາຫຼີ ປ່ຽນແປງໄປ, ໂດຍສະເພາະ ຍອດນິຍົມກິນ ອາຫານຈານດ່ຽວ, ອາຫານສຳເລັດຮູບ ແລະ ອາຫານກ່ອງ(ສັ່ງມາສົ່ງໃຫ້ກັບທີ່) ກຳລັງເພີ່ມຂຶ້ນຫຼາຍ.

ເຂົ້າເກົາຫຼີ ແມ່ນໜຽວກ່ວາເຂົ້າໃນອາຊີຕາເວັນອອກສ່ຽງໄຕ້. ກິນຄັ້ງທໍາອິດອາດຈະລະລາຍຍາກ ແລະ ອາດຈະເຮັດໃຫ້ເຈັບທ້ອງໄດ້. ປົກ ກະຕິຈະໃຊ້ເວລາປະມານໜຶ່ງອາທິດ ຈຶ່ງຈະລຶ້ງກິນເຂົ້າເກົາຫຼີ.

ກຸກ(ແກງຈືດ), ທັງ (ແກງກັບຊີ້ນ ຫຼື ປາ), ຈີແກ (ຂ້ຽວ) ແລະ ຈອນໂກນ(ແກງຂຸ້ນ) ອາຫານທັງ ສີ່ຊະນິດນີ້ ປຸງແຕ່ງໂດຍການຕົ້ມຜັກ ແລະ ຊີ້ນ ຫຼື ປາໃສ່ນໍ້າ. ເຊິ່ງມີຊື່ຕ່າງກັນ ຂຶ້ນກັບເຄື່ອງປຸງ ແລະ ວິທີປຸງແຕ່ງ: 00 ກຸກ, 00 ທັງ, 00 ຈີແກ, ຫຼື 00 ຈອນໂກນ.

ກິມຈິ (Kimchi) ເປັນອາຫານທີ່ສໍາຄັນທີ່ສຸດ ທີ່ຂາດບໍ່ໄດ້ ເຊິ່ງຕ້ອງມີໄວ້ທຸກຄາບເຂົ້າຂອງຄົນເກົາຫຼີ ແລະ ມີລົດຊາດທີ່ແຊບ, ມີສານອາ ຫານ ແລະ ສາມາດເກັບເອົາໃວ້ໄດ້ ໂດຍການດອງຜັກ ເຊັ່ນ ຫົວຜັກກາດຂາວ, ຜັກກາດຂາວ, ໝາກແຕງ ອື່ນໆ ໃນເກືອ ແລະ ປະສົມເຂົ້າ ກັບແປ້ງນົວ, ພິກໄທ, ກະທຽມ, ຫອມບົ່ວຂຽວ, ຂີງ, ປາເຄັມ ອື່ນໆ ແລະ ຕື່ມເຄື່ອງປຸງລົງໃສ່. ຈາກນັ້ນ ກໍ່ອັດໃຫ້ແໜ້ນ ແລ້ວເກັບໃວ້ໃນ ອຸນນະພູມຄົງທີ່ໃນໄລຍະເວລາໃດໜຶ່ງ ກ່ອນຮັບປະທານ. ໃນລະດູໜາວ ຄົນເກົາຫຼີ ບໍ່ສາມາດປູກຜັກກາດຂາວໄດ້ ດັ່ງນັ້ນຄົນເກົາຫຼີ ຈຶ່ງເຮັດ ກິມຈິຊະນິດຕ່າງໆ ຕັ້ງແຕ່ທ້າຍເດືອນພະຈິກ ຈົນເຖິງ ຕົ້ນເດືອນທັນວາ ເພື່ອເອົາໄວ້ກິນໄດ້ໃນໜ້າໜາວ ໂດຍຈະເອີ້ນວ່າ “ກິມຈັງ” ເນື່ອງ ຈາກວ່າຄົນນຶ່ງເຮັດກິມຈິຫຼາຍ ໃນ ກິມຈັງ, ຍາດພີ່ນ້ອງໃກ້ຊິດຮ່ວມກັນຜະລິດກິມຈິ.

ເກົາຫຼີເປັນປະເທດທີ່ມີ 4 ລະດູ; ລະດູໃບໄມ້ປົ່ງ, ລະດູຮ້ອນ, ລະດູໃບໄມ້ປົ່ງ ແລະ ລະດູໜາວ. ສະນັ້ນ ຈຶ່ງມີໝາກໄມ້ແຊບໆຫຼາຍຊະນິດ ໃນແຕ່ລະລະດູ. ເຖິງຢ່າງໃດກໍ່ຕາມ, ໃນປະຈຸບັນນີ້ ມີການປູກໝາກໄມ້ໃນເຮືອນແກ້ວໄວນິດດ້ວຍ ເຮັດໃຫ້ໝາກໄມ້ແຊບທັງ 4 ລະດູ ທີ່ບໍ່ຂຶ້ນກັບລະດູການທີ່ແທ້ຈິງ. ແຕ່ວ່າໝາກໄມ້ຕາມລະດູການກໍ່ຍັງມີລົດຊາດແຊບທີ່ສຸດ. ຖ້າທ່ານຕ້ອງການກິນໝາກໄມ້ ທີ່ເຄີຍກິນເປັນປະຈຳມາແລ້ວນັ້ນ, ສາມາດຊື້ໄດ້ຕາມຮ້ານຄ້າສ່ວນຫຼຸດ ຫຼື ຮ້ານຊັບພະສິນຄ້າ.