ຄູ່ມືການດໍາລົງຊີວິດໃນເກົາຫລີ

ຮ້ານສະດວກຊື້ແມ່ນເປີດໃຫ້ບໍລິການຕະຫຼອດ 24 ຊົ່ວໂມງ ແລະຂາຍສິນຄ້າຫຼາກຫຼາຍຊະນິດລວມທັງປະເພດອາຫານອີກດ້ວຍ. ເນື່ອງຈາກຮ້ານຂາຍເຄື່ອງປະເພດນີ້ມີລັກສະນະນ້ອຍ, ສະນັ້ນ ເຮັດໃຫ້ເກີດຄວາມສະດວກໃນການຊອກຫາສິນຄ້າທີ່ພວກເຮົາຕ້ອງການ. ມັນຍັງສະດວກເມື່ອພວກເຮົາຕ້ອງການທີ່ຈະຊື້ສິນຄ່າພຽງສອງສາມຊະນິດ.

ຄົນຂາຍປະເພດອາຫານ, ເຄື່ອງນຸ່ງຫົ່ມ, ແລະ ເຄື່ອງອຸປະໂພກບໍລິໂພກທົ່ວໄປຈະມາໂຮມຕົວກັນຢູ່ທີ່ຕະຫຼາດນີ້້. ພວກເຂົາຈະຂາຍເຄື່ອງໃນລາຄາຖືກແລະສາມາດຕ່ອງລອງລາຄາກັນໄດ້ຕາມປະລິມານທີ່ຕ້ອງການຊື້. ໃນຕະຫຼາດປະເພດນີ້ເຮັດໃຫ້ພວກເຮົາສາມາດເຫັນໄດ້ເຖິງຊີວິດການເປັນຢູ່ຂອງຄົນເກົາຫຼີໂດຍແທ້.

ຮ້ານຂາຍເຄື່ອງທ້ອງຖິ່ນຈະຂາຍປະເພດເຂົ້າໜົມ, ຜັກ, ຊີ້ນ, ເຄື່ອງດື່ມ, ແລະສາມາດເຫັນໄດ້ງ່າຍເນື່ອງຈາກມີຫຼາຍໃນເຂດໃກ້ບ້ານ.

ຮ້ານຊັບພະສິນຄ້າ ຈະມີສິນຄ້າຫຼາກຫຼາຍຊະນິດ ເຊັ່ນ: ເຄື່ອງນຸ່ງຫົ່ມ, ອາຫານ, ເຄື່ອງໃຊ້ໄຟຟ້າ, ເຄື່ອງສຳອາງ ແລະ ປະເພດເຄື່ອງປະ ດັບ ແລະ ອື່ນໆທ ທີ່ຫຼາກຫຼາຍ, ພ້ອມທັງ ຍັງມີອຸປະກອນອຳນວຍຄວາມສະດວກ ແລະ ການບໍລິການທີ່ດີ ທັງສິນຄ້າມີຄຸນນະ ພາບອີກ ດ້ວຍ ສະນັ້ນ ລາຄາຂ້ອນຂ້າງແພງກວ່າຢູ່ຕະຫຼາດ. ແຕ່ຮ້ານສັບພະສິນຄ້າ ມັກຈະກິດຈະກຳເປີດສ່ວນຫຼຸດລາຄາພິເສດ, ຊຶ່ງ ທ່ານ ສາມາດເລືອກໄປຊື້ ໃນເວລາທີ່ຮ້ານ ຈັດກິດຈະກຳສ່ວນຫຼຸດພິເສດນັ້ນ ຈຶ່ງຊື້ໄດ້ໃນ ລາຄາຖືກ.

ຄືກັບຫ້າງຊັບພະສິນຄ້າ, ມີສິນຄ້າຫຼາຍປະເພດໃຫ້ເລືອກລວມທັງອາຫານ, ເຄື່ອງນຸ່ງຫົ່ມ, ເຄື່ອງໃຊ້ໄຟຟ້າ, ແລະ ເຄື່ອງອຸປະໂພກບໍລິໂພກອື່ນໆ. ຄຸນະພາບຂອງຜະລິດຕະພັນຖືວ່າຢູ່ໃນລະດັບສູງ, ແລະສິ່ງອຳນວຍຄວາມສະດວກອື່ນໆພ້ອມທັງການບໍລິການກໍ່ຖືວ່າຢູ່ໃນລະດັບດີເຊັນກັນ.

ການສັ່ງຊື້ສິນຄ້າຜ່ານທາງໂທລະສັບຫຼືອິນເຕີເນັດພາຍຫຼັງເບິ່ງການໂຄສະນາທາງໂທລະພາບກໍ່ສາມາດເຮັດໄດ້, ແລະ ສິນຄ້າກໍ່ມີໃຫ້ ເລືອກຢ່າງຫຼາກຫຼາຍເຊັ່ນ: ປະເພດເຄື່ອງນຸ່ງຫົ່ມ, ເຄື່ອງກິນຢູ່, ເຄື່ອງສຳອາງ, ເຄື່ອງໃຊ້ໄຟຟ້າ, ປະກັນໄພ, ແລະອື່ນໆ. ການຊື້ສິນຄ້າຜ່ານທາງໂທລະພາບຖືວ່າເປັນທາງເລືອກທີ່ສະດວກຫຼາຍ, ແຕ່ຕ້ອງໄດ້ຫຼີກລ້ຽງກ່ຽວກັບແຮງກະຕຸ້ນໃນການຊື້ສິ່ງຂອງທີ່ບໍ່ຈຳເປັນໃຫ້ໄດ້.

ໂດຍຜ່ານສູນການຄ້າອອນລາຍພວກເຮົາສາມາດສັ່ງເຄື່ອງໄດ້, ແລະສາມາດຊື້ເຄື່ອງໄດ້ຫຼາຍໆປະເພດ. ແຕ່ວ່າ ມີບາງກໍລະນີ, ຄຸນລັກສະ ນະສີສັນ ແລະ ຂະໜາດຂອງສິນຄ້າຕົວຈິງ ອາດຈະແຕກຕ່າງ ຈາກຮູບພາບທີ່ໂຄສະນາຜ່ານອີນເຕີເນັດ, ສະນັ້ນ ຕ້ອງໄດ້ສັງເກດເບີ່ງໃຫ້ ຄັກແນ່ ພ້ອມທັງສອບຖາມຜູ້ຂາຍໃຫ້ດີ ກ່ອນຈະຕັດສິນໃຈຊື້.

ແມ່ນລະບົບການດຳເນີນວຽກທະນາຄານ ໂດຍຜ່ານໂທລະສັບມືຖື ຫຼື ລະບົບອຸປະກອນສື່ສານຕ່າງ, ຊຶ່ງຕ່າງຈາກ ລະບົບອິນເຕີ ເນັດ ແບັງຄິງ ເພາະໃນເວລາເຄື່ອນໄຫວໄປໃສ ກໍ່ສາມາດດຳເນີນການໄດ້ ໂດຍບໍ່ຈຳແຈກສະຖານທີ່.

ທ່ານສາມາດໂອນເງິນໃຫ້ມີຄວາມປອດໄພໂດຍຜ່ານຕົວແທນທະນາຄານສາທາລະນະ ເຊັ່ນຫ້ອງການໄປສະນີ. ມີຄົນຈຳນວນຫຼວງຫຼາຍທີ່ໃຊ້ບໍລິການຈາກຜູ້ໃຫ້ບໍລິການສ່ວນຕົວ (ນາຍໜ້າ) ຫຼາຍກວ່າທີ່ຈະໃຊ້ບໍລິການການໂອນເງິນຂອງທະນາຄານ. ລະບົບການບໍລິການຂອງພວກເຂົາມີລັກສະນະງ່າຍກວ່າ, ວ່ອງໄວກວ່າ, ແຕ່ກໍ່ຕ້ອງຮັບຄວາມສຽງເອົາເອງ ໃນກໍລະນີທີ່ນາຍໜ້າຫາກໂຕນໜີໄປພ້ອມກັບເງິນທີ່ຖືກໂອນໂດຍບໍ່ມີການຮອງຮັບ. ໃນກໍລະນີເກີດອຸບັດຕິເຫດໃດໜຶ່ງ, ທ່ານບໍ່ມີທາງທີ່ຈະໄດ້ຮັບເງິນຂອງທ່ານຄືນ. ດັ່ງນັ້ນຈິ່ງບໍ່ຂໍແນະນຳໃຫ້ທ່ານໃຊ້ບໍລິການຈາກຜູ້ໃຫ້ບໍລິການເຫຼົ່ານີ້ແຕ່ຢ່າງໃດ.

ການເວົ້າຕົວະຍົວະ ແມ່ນການປະພຶດໃນລັກສະນະຫຼອກລວງ ໂດຍການສົ່ງຂໍ້ມູນທີ່ບໍ່ເປັນຄວາມຈິງໄປຫາລູກຄ້າຂອງທຸລະກິດ ໂດຍຜ່ານທ່າງໂທລະສັບຫຼືຂໍ້ຄວາມສັ້ນ, ແລະຕົວະໃຫ້ລູກຄ້າຫຼົງເຊື່ອ ແລະສົ່ງເງິນສົດຫຼືຝາກເງິນເຂົ້າບັນຊີໃຫ້.