ຄູ່ມືການດໍາລົງຊີວິດໃນເກົາຫລີ

ເມື່ອເດັກນ້ອຍລາຍງານຄວາມຮຸນແຮງຕໍ່ອົງການຄວາມຮຸນແຮງໃນໂຮງຮຽນ, ອົງການຈັດຕັ້ງລາຍງານເລື່ອງດັ່ງກ່າວໃຫ້ຫ້ອງການສຶກສາພາຍໃນ 48 ຊົ່ວໂມງຫຼັງຈາກທໍາອິດຢືນຢັນເຫດການຂອງການຖືກເຄາະຮ້າຍຫຼືຂົ່ມເຫັງ. ຕໍ່ໄປ, "ຜູ້ສືບສວນຄວາມຮຸນແຮງໃນໂຮງຮຽນ" ຈາກຫ້ອງການສູນການສຶກສາຂອງສູນຄວາມຮຸນແຮງໃນໂຮງຮຽນ (ສະຫນັບສະຫນູນ) ຈະພົບກັບນັກຮຽນແລະພໍ່ແມ່ໂດຍກົງເພື່ອສືບສວນເລື່ອງດັ່ງກ່າວ.
ອົງການຈັດຕັ້ງພິເສດທີ່ໄດ້ຮັບຜົນການສືບສວນຈາກຜູ້ສືບສວນທີ່ຖືກມອບຫມາຍໂດຍເຈດຕະນາກ່ຽວກັບວ່າຜູ້ອໍານວຍການໂຮງຮຽນຄວນຈະຮັບຜິດຊອບເລື່ອງດັ່ງກ່າວໂດຍເຈົ້າຫນ້າທີ່ຂອງລາວ. ຖ້າຄວາມຕ້ອງການສໍາລັບການແກ້ໄຂການອະນຸຍາດດ້ວຍຕົນເອງແມ່ນບັນລຸໄດ້ແລະຜູ້ເຄາະຮ້າຍຂອງນັກຮຽນແລະພໍ່ແມ່ / ຜູ້ປົກຄອງຂອງພວກເຂົາຕົກລົງ, ອໍານວຍການອາດຈະແກ້ໄຂບັນຫາໂດຍກົງ. ຢ່າງໃດກໍ່ຕາມ, ຖ້າຜູ້ອໍານວຍການບໍ່ປະຕິບັດຕາມຂໍ້ກໍານົດສໍາລັບການແກ້ໄຂການອະນຸຍາດດ້ວຍຕົນເອງຫຼືຖ້າຜູ້ເຄາະຮ້າຍແລະຜູ້ປົກຄອງຂອງລາວບໍ່ເຫັນດີ, ໂຮງຮຽນຈະຮ້ອງຂໍໃຫ້ມີການພິຈາລະນາໂດຍຄະນະກໍາມະການທົບທວນການຕອບໂຕ້ຄວາມຮຸນແຮງຂອງໂຮງຮຽນທີ່ສ້າງຕັ້ງຂຶ້ນໂດຍຫ້ອງການການສຶກສາ.

ເປັນອົງການ ທີ່ຕັ້ງຢູ່ໃນໂຮງຮຽນ ໂດຍບໍລິການ ໃຫ້ຄຳປຶກສາ ຂັ້ນເບື້ອງຕົ້ນ(ຄັ້ງທີ່1) ແກ່ນັກຮຽນ ທີ່ພົບຄວາມຫຍຸ້ງຍາກ ໃນການໃຊ້ຊີວິດ ຢູ່ໃນໂຮງຮຽນ ເພື່ອໃຫ້ການຊ່ວຍເຫຼືອດ້ານຈິດໃຈ ແກ່ນັກຮຽນ.

ຄະນະກຳມະການສະກັດກັ້ນ ແລະ ກວດກາການຂົ່ມເຫັງໃນໂຮງຮຽນ ເປັນຄະນະກຳມະການກົດໝາຍ ທີ່ຂື້ນກັບອົງການ ຊ່ວຍເຫຼືອການສຶກສາ ໂດຍຮັບຜິດຊອບວຽກງານປ້ອງກັນ ແລະ ສະກັດກັ້ນ ການຂົ່ມເຫັງ ໃນໂຮງຮຽນ. ພ້ອມດຽວກັນນີ້ ຍັງມີພາລະບົດບາດປ້ອງກັນນັກຮຽນ ທີ່ຖືກຂົ່ມເຫັງ, ສຶກສາອົບຮົມ ແລະ ລົງວິໄນຕໍ່ ນັກຮຽນທີ່ຂົ່ມເຫັງຄົນອື່ນ, ໄກ່ເກ່ຍບັນ ຫາຂັດແຍ່ງກ່ຽວກັບການຂົ່ມເຫັງ ລະຫວ່າງ ນັກຮຽນທີ່ໄດ້ຮັບເຄາະຮ້າຍ ກັບ ນັກຮຽນກໍ່ບັນຫາ.

ເປັນສູນ ທີ່ຂຶ້ນກັບອົງການຊ່ວຍເຫຼືອການສຶກສາ ໂດຍມີພາລະບົດບາດ ໃນການໃຫ້ຄຳປຶກສາ ຄັ້ງທີ່2 ໃຫ້ແກ່ນັກຮຽນ ທີ່ພົບພໍ້ ບັນຫາຫຍຸ້ງຍາກ ຈາກການຂົ່ມເຫັງ ຢູ່ໃນໂຮງຮຽນ ຊຶ່ງຈະໃຫ້ຄຳປຶກສາສຳລັບປິ່ນປົວແນວຄິດຈິດໃຈແກ່ນັກຮຽນ ທີ່ໄດ້ຮັບ ເຄາະຮ້າຍ.

ເປັນອົງການ ທີ່ບໍລິການໃຫ້ຄຳປຶກສາ ເປັນຄັ້ງທີ່ 3 ໂດຍຂື້ນກັບພະແນກສຶກສາຂອງນະຄອນ ຫຼື ແຂວງ ຊຶ່ງມີພາລະບົດບາດ ໃນການໃຫ້ຄຳປຶກສາ ແລະ ສຶກສາອົບຮົມ ເປັນໄລຍະຍາວ ແກ່ນັກຮຽນມີບັນຫາຫຍຸ້ງຍາກ ຈົນເຖິງຂັ້ນໂຈະການຮຽນ. ອົງການດັ່ງກ່າວ ແມ່ນເປີດບໍລິການໃຫ້ຄຳປຶກສາ ເປັນຫຼາຍຮູບແບບ ດ້ວຍການຝືກອົບຮົມ ແບບກິນນອນ ແລະ ໃຫ້ຄຳແນະນຳທີ່ດີ ເພື່ອປິ່ນປົວຈິດໃຈຂອງນັກຮຍນທີ່ມີບັນຫາການຮຽນ.

ຄະນະຊ່ວຍເຫຼືອSOS ຕໍ່ການຂົ່ມເຫັງ ໃນໂຮງຮຽນຂອງມູນນິທິພູຣືນນາມູ ກຳລັງໃຫ້ການຊ່ວຍເຫຼືອ ຫຼາຍໆໂຄງການ ເພື່ອປ້ອງກັນການຂົ່ມເຫັງ, ແກ້ໄຂບັນຫາ ແລະ ປົວແປງສາຍພົວພັນ ລະຫວ່າງ ນັກຮຽນທີ່ເປັນຄູ່ກໍລະນີ ແລະ ພໍ່ແມ່ຜູ້ປົກ ຄອງທັງສອງຝ່າຍ ໂດຍສາມາດຕິດຕໍ່ໄດ້ ທີ່ເບິໂທ(☎1588-9128) ຫຼື ຂໍຄຳປຶກສາທາງອອນ ລາຍ ທີ່ເວັບໄຊ້ www.btf.or.kr

ສາຍດ່ວນ 1388 ທີ່ໃຫ້ຄຳປຶກສາ ສຳລັບເຍົາວະຊົນ ເປັນໜ່ວຍງານບໍລິການໃຫ້ຄຳປຶກສາ ທີ່ຂຶ້ນກັບກະຊວງສະເໝີພາບ ຍິງຊາຍ ແລະ ຄອບຄົວ. ໂດຍເຍົາວະຊົນ ທີ່ໄດ້ຮັບເຄາະຮ້າຍຈາກການຂົ່ມເຫັງ ຫຼື ມີຂໍ້ຂັດແຍ່ງກັບໝູ່ຄູ່ ຢູ່ໃນໂຮງຮຽນ ສາມາດຂໍຄຳປຶກສາສູນດັ່ງກ່າວນີ້ ໄດ້ຕະຫຼອດ 24 ຊົ່ວໂມງ ໃນ 365 ວັນ. ໂທຫາສາຍດ່ວນ☎1388 ຫຼື ຂໍຄຳປຶກສາທາງ ອອນລາຍຜ່ານເວັບໄຊ້ www.cyber1388.kr, ຜ່ານຂໍ້ຄວາມທາງຄາຄາວທັອກ(#1388) ເທິງມືຖືໄດ້.

ຊັງມາດີແສມ ເປັນລະບົບການບໍລິການ ທີ່ແມ່ນກະຊວງສຶກສາ, ທະນາຄານKBກຸກມິນ, ບໍລິສັດ kakao ແລະ ສະພາແພດ ເປີດກວ້າງຂອງເກົາຫຼີ ຮ່ວມມືກັນ ສ້າງຕັ້ງຂຶ້ນມາ ເພື່ອບໍລິການຊ່ວຍເຫຼືອຄ່າປິ່ນປົວ ພ້ອມທັງ ໃຫ້ຄຳປຶກສາ ເພື່ອປົວແປງ ຈິດໃຈ ແກ່ເຍົາວະຊົນຜູ້ທີ່ໄດ້ຮັບຜົນເສຍຈາກການຂົ່ມເຫັງ ໃນໂຮງຮຽນ. ຜູ້ຕ້ອງການໃຊ້ບໍລິການ ສາມາດເຂົ້າໄປຄົ້ນຫາ ໃນແອັບ ‘ຄາຄາວທັອກ’ ໂດຍຕີຄຳວ່າ “ຊັງດາມີແສມ :상다미쌤” ເພື່ອເພີ່ມເປັນໝູ່ແລ້ວ ສາມາດຂໍຄຳປຶກສາ ທາງຂໍ້ຄວາມ ໃນແອັບດັ່ງກ່າວໄດ້(ເວລາທີ່ໃຫ້ຄຳປືກສາໄດ້ : ວັນລັດຖະການ 10:00 ຫາ 24:00 ໂມງ, ຍົກເວັ້ນທ້າຍອາທິດ,ວັນພັກ ແລະ ລັດຖະການ). ນັກຮຽນທີ່ໄດ້ຮັບຜົນເສຍຫາຍ, ນັກຮຽນທີ່ມີຄວາມສ່ຽງສູງ ໃນການໂຈະການສຶກສາ ລວມທັງ ຜູ້ກໍ່ຄວາມເສຍຫາຍ ໃນໂຮງຮຽນ ທີ່ໄດ້ໄປຂໍຄຳປຶກສາກ່ຽວ ກັບການຂົ່ມເຫັງໃນໂຮງຮຽນນັ້ນ, ໃນແຕ່ລະເດືອນ ຈະຖືກຄັດເລືອກ 10 ຄົນ ລົງມາ ເພື່ອໃຫ້ການຊ່ວຍເຫຼືອຄ່າປົວແປງອາລົມແນວຄິດ ພາຍໃນ 8 ແສນ ວອນລົງມາ.