Koreyada yashash uchun qo'llanma

Tibbiy davolanish uchun yordam puli olish tizimi iqtisodiy tomondan sharoiti og’ir bo’lganligi uchun tibbiy davolanish pulini to’lay olmaydigan aholi uchun hukumat bemorning o’rniga davolanish pulini to’lab beradigan tizimdir. Aslida qoida bo’yicha chet el fuqarosiga bunday yordam ko’rsatilmaydi, lekin aholining minimum turmush sharoitini ta’minlash bo’yicha qonuni qabul qilgan qaror bo’yicha chet el fuqarolari ham bu yordam pulini olishi mumkin(ayrim hollarda). Bemor og’ir kasallik, jarohat, farzand ko’rish kabi holatlar tufayli shifoxona yoki klinikada davolangan bo’lsa davlat bu davolanish pulini shifoxona yoki klinikaga to’lab beradi.

Aholining minimum turmush sharoitini ta’minlash bo’yicha qonunda belgilangan yordam puli olish huquqiga ega shaxs (chet elliklar ham kiradi) bo’lsa, har qanday shaxs tibbiy davolanish uchun yordam pulidan foydalanishi mumkin.

Tibbiy davolanish uchun yordam puli oladiganlar ham davolanish pulining ma’lum qismini o’zi to’lashi kerak.

Tibbiy davolanish uchun yordam puli oladiganlar birlamchi sog’liqni saqlash muassasasidan avvalambor davolanish uchun yordam puliga ariza topshirishi lozim. Ikkilamchi sog’liqni saqlash muassasasi, uchlamchi sog’liqni saqlash muassasasi kabilardan navbati bilan foydalansa bo’ladi. (mustasno holatlar ham mavjud)