-
01Koreya Respublikasi haqida
-
02Multi-madaniyatli oilalar • chet elliklarga yordam ko’rsatish xizmati
-
03Yashash va fuqarolikni qabul qilish
-
04Koreya madaniyati va hayoti
-
05Homilador bo’lish va bola tarbiyasi
-
06Farzand ta’limi
-
07Sog’liq va tibbiyot
-
08Ijtimoiy kompensatsiya tizimi
-
09Ishga kirish va ishlash
-
10Ilova
-
Bo'limga kirish videosi
-
FAQ
-
Oila markazlarining holati
-
Danuri Helpline ro’yxati
-
Migrant kelib chiqishga ega yoshlarni qo‘llab-quvvatlash jamg‘armasi
-
Ayollarni ish bilan ta’minlash markazlari (“Seil” markazi)
-
Immigratsiya masalalari xorijliklar byurosi va immigratsiya · xojirliklar idorasi
-
Koreya turizm korporatsiyasining turizm bo’yicha ma’lumotlari
-
Asosiy chet el elchixonalarining telefon raqamlari
-
Shaxsiy ma'lumotlar himoyasi bo'yicha qo'llanma
-
Danuri aloqa markazi : 1577-1366
가족상담전화 : 1644-6621
21-qavat, 173 Toegye-ro, Jung-gu, Seul (Chungmuro 3-ga). Namsan maydoni binosi)
Copyright ⓒ KOREA INSTITUTE FOR HEALTHY FAMILY. All Rights Reserved
Poliklinika hududlardagi aholining sog’lig’ini yaxshilab, kasallikni oldini olish va nazorat qilish uchun qurilgan jamoat sog’lig’ini saqlash muassasasidir. Poliklinikaning vazifasi sog’liqni saqlash, infeksion kasalliklarning oldini olish va nazorat qilish, davolash, tajriba o’tkazish va tekshirish, oziq ovqat sanitariyasi, dori vositalari haqida ko’rsatma berish va nazorat qilish, oddiy ma’muriyat kabilar mavjud bo’lib, bular ichida davolanishda surunkali kasalliklarni davolash va tibbiy ko’rik o’tkazish, fizioterapik davolash, tishni davolash, koreys milliy tibbiyoti bilan davolash kabi tibbiy xizmatlarni ko’rsatadi. Lekin poliklinikalarni hududlardagi mahalla boshliqlari boshqargani uchun har bir poliknikada davolash hajmi, turi, xarajatlari kabilar bir-biridan biroz farq qilishi mumkinligi uchun poliklinikaga borishdan avval uyingizdan yaqin joyda joylashgan poliklnikadan to’liq ma’lumot olish kerak.
01Umumiy davolash
| Turi | Mazmuni |
|---|---|
| Davolash doirasi | Asosan birlamchi davolash, yuqori qon bosimi, qandli diabet kabi surunkali kasalliklarni davolash, tibbiy ko’rik va fizioterapik davolash. |
| Koreys milliy tabobati bilan davolash | Konsultatsiya va Koreys milliy tabobati bilan davolash |
| Stomatologiya | Og’iz ichini ko’rikdan o’tkazish va konsultatsiya, kasallikka qarshi emlash, tishni oldirish kabilar |
| Davolanish haqi | Hududiy aholi sog’lig‘ini saqlash to‘g‘risidagi qonunning 25-moddasiga binoan mahalliy tibbiyot markazi to‘laydigan to‘lovlar va tibbiy xarajatlar mahalliy hokimlik tomonidan chiqarilgan buyruq asosida belgilanadi. |
02Poliklinikaga tashrif buyurib sog’liqni nazorat qilish
Hamshira, fizioterapevt, diyetolog kabi poliklinikada faoliyat ko’rsatuvchi mutaxassislar sog’liqni nazorat qilish xizmatidan foydalanishga qiynalgan ijtimoiy-madaniy-iqtisodiy jihatdan zaif qatlam va 65 yoshdan yuqori yolg’iz yashaydigan keksalar, 75 yoshdan yuqori keksa er-xotinlar kabi oilalarga bevosita tashrif buyurib, surunkali kasalliklarni nazorat qilish kabi sog’liq bilan bog’liq xizmatlarni taqdim etadigan dasturdir.
(1)Kimlar bu xizmatdan foydalana oladi
- Sogʻliqni saqlash xizmatidan osonlikcha foydalana olmaydigan va tibbiy xizmatga muhtoj aholi*
- Chekish, koʻp ichish, notoʻgʻri ovqatlanish va jismoniy faollik yetishmasligiga aloqador sogʻliqlarinin yaxshilashga muhtoj fuqarolar va shu bilan bir qatorda yuqori qon bosimi, diabet va semizlikdan azob chekayotgan sogʻligi xavf ostida boʻlgan va kasallik guruhlari
- (Ustuvor guruhlar) 65 yoki undan yuqori katta yoshli fuqarolar milliy asosiy tirikchilik xavfsizligini qabul qiluvchilar, kam taʼminlangan oilalar, yolgʻiz keksa yoshli fuqarolar, koʻp millatli oilalar, yolgʻiz ota yoki ona xoʻjaliklari, bobo yoki buvi boshqaruvidagi xoʻjaliklar, shimoliy koreyalik qochqinlar, eʼtibordan chetda qolgan surunkali kasal bemorlar va surunkali kasali tufayli sogʻligi xavf ostida boʻlgan guruhlar
- Uzoq muddatli parvarishga haqli deb hisonlanadigan keksa fuqarolarni hisobga olmaganda(1-5 daraja)
(2)Xizmat turlari
- Salomatlikdagi muammolarni tekshirish (salomatlik holati va sog’liqqa xavf soluvchi omillarini aniqlash)
- Surunkali kasalliklarni nazorat qilish (yuqori qon bosimi, qandli diabet kabilar) va asoratlarni oldini olish
- Homilador ayollar, yangi tug‘ilgan chaqaloq va go‘daklar salomatligini nazorat qilishga ko’maklashish
- Keksalarning kamquvvatliligini oldini olish
- Multi-madaniyatli oilalar va Shimoliy Koreyalik qochqinlar uchun sog‘liqni saqlash xizmatlari
- Sog’liqni saqlashni yaxshilash kabi salomatlik uchun tibbiy ta’lim o’tkazish
(3)Xizmatni havola etish tartibi
- Hududlardagi poliklinikaga tashrif buyuruvchilar sog’likni nazorat qilish bo’limida bu xizmatdan foydalanishga layoqatlilar tanlab olinadi.
- Poliklinikadan mas’ul shaxs ariza bergan shaxsning oilasiga tashrif buyurib oilaning yashash sharoiti, sog’lig’i uchun xavfli faktorlarni aniqlaydi.
- Tahlil natijalariga ko'ra markazlashtirilgan nazorat guruhi, doimiy nazorat guruhi va o'zini-o'zi nazorat qilish guruhlariga bo'linadi.
- Bo’lingan guruhlarga ko’ra, tibbiy xizmatlarning intensiv tashrif buyurib sog’liqni nazorat qilish xizmati amalga oshiriladi va hududiy poliklinikalarni ichki va tashqi manbalar bilan bog'laydi.
03Bepul ruhiy salomatlikni saqlash xizmati
Ruhiy salomatlik va farovonlikni yaxshilash markazi ruhiy kasalliklarning oldini olib, ruhiy kasalligi bor bemorni topib, maslahat berib, reabilitatsiya xizmatini tavsiya etadi va kasalliklar holatlarini nazorat qilib, ruhiy salomatlik haqidagi ta’lim, keng ko’lamli axborot kabilarni tavsiya etadigan jamoat poliklinikasidir. Depressiya, bezovtalik, giyohvandlikka mukkasidan ketish kabi og’ir holatlarda yaqin joyda joylashgan ruhiy salomatlik va farovonlikni yaxshilash markazida konsultatsiya va ko’rsatma olsa bo’ladi.
(1)Kimlar bu xizmatdan foydalana oladi
- Ruhiy kasalligi bor bemorlarni ro’yxatga olish programmasi hududlarda joylashgan ruhiy kasalligi bor bemorlar uchun xizmat qiladi.
- Ruhiy salomatlikni rag‘batlantirish dasturlari mahalliy aholi orasidagi ruhiy kasalliklar xavfi yuqori bo‘lgan guruhlarga qaratilgan.
(2)Foydalanish tartibi va usuli
Ruhiy salomatlik va farovonlikni yaxshilash markazidan foydalanish vaqti Dushanbadan Jumagacha soat 09:00 dan 18:00 gacha bo’lib, hududlardagi shart-sharoitga qarab biroz farqi bo’lishi mumkin.
Xizmatdan foydalanish tartibi
- Ruhiy salomatlik va farovonlikni yaxshilash markaziga to’g’ridan-to’g’ri tashrif buyurib, ro’yxatdan o’tish uchun ariza yoziladi.
- Ruhiy salomatlik va farovonlikni yaxshilash markaziga ilk bora tashrif buyurayotgan bo’lsangiz konsultatsiya va psixologik baholash amalga oshirilib, shuning natijalariga qarab tegishli programma jalb etiladi.
- Ruhiy salomatlik bo’yicha konsultatsiya raqami (☎1577-0199) ga qo’ng’iroq qilib, ruhiy salomatlik va farovonlikni yaxshilash markazidan foydalanish haqidagi ko’rsatma olishingiz mumkin va ruhiy salomatlikdagi muammo to’g’risida konsultatsiya olishingiz mumkin.
- Foydalanish to’lovi :
- Bepul (To’lov ko’p ketadigan maxsus programmalar uchun biroz to’lov to’lashga to’g’ri keladi.)
