សៀវភៅមគ្គុទេសក៏សម្រាប់ការរស់នៅប្រទេសកូរ៉េ

ហាងសំអាងនេះមានផ្តល់សេវាជាច្រើនដូចជា កាត់សក់ ផាត់មុខលាបថ្នាំសក់ជាដើម។ តំលៃកាត់សក់ប្រែប្រួលតាមហាងនិមួយៗ ជាធម្មតាការកាត់សក់ធម្មតាថ្លៃប្រែល 10,000~30,000វ៉ុន។ អ៊ុតសក់មានតម្លៃខុសគ្នាជាច្រើន ដោយថ្លៃចាប់ពី 20000 ដល់ជាង 100000 វ៉ន។

កន្លែងងូតទឹករួមគ្នាត្រូវបានបែងចែកជា មូកយូកថាំង សាអូណា និងចីមចីលបាំង។

មន្ទីរពេទ្យ·គ្លីនិក គឺជាកន្លែងសម្រាប់ផ្តល់សេវាកម្មពិនិត្យនិងព្យាបាលអ្នកជំងឺ និងបង្ការជំងឺ ហើយអោយមានសម្បទា ឡើងវិញ។ ត្រូវបានប្រតិបត្តិការដោយអាស្រ័យលើមុខវិជ្ជាព្យាបាល នៃមុខជំងឺនីមួយៗ គឺមានមន្ទីរពេទ្យធម្មតា មន្ទីរពេទ្យ ទូទៅដើម្បីគ្រប់គ្រងជំងឺទាំងអស់ និងរួមទាំងមានមន្ទីរពេទ្យបុរាណដែលព្យាបាលតាមរយ:ឱសថរុក្ខជាតិជាដើម។ អាស្រ័យលើស្ថានភាព និងការព្យាបាលជំងឺថ្លៃព្យាបាលក៏ខុសៗគ្នាដែរ។

គឺជាកន្លែងដែលឱសថការី ផ្តល់ថ្នាំសម្រាប់ព្យាបាល និងជាកន្លែងលក់ថ្នាំដែលចាំបាច់សម្រាប់រក្សាសុខភាព។ ឱសថស្ថានគឺមានការគ្រប់គ្រងយ៉ាងពិសេសដើម្បីមិនអាចបើក បើមិនមានជាឱសថការី ដែលបានទទួលស្គាល់ពីរដ្ឋ ឬឱសថការីថ្នាំបុរាណនិងក្រៅពីកាតព្វកិច្ចផលិត គឺមានការណែនាំពីវិធីប្រើថ្នាំ និងលេបថ្នាំ។ បន្ទាប់ពីទទួលបាន វេជ្ជបញ្ជាពីមន្ទីរពេទ្យអ្នកអាចទិញថ្នាំបាននៅឱសថស្ថាន។

ម៉ាតគឺមានលក់ទំនិញជាច្រើនប្រភេទ ដែលចាំបាច់ក្នុងការរស់នៅ និងម្ហូបអាហារគ្រប់ប្រភេទ អាហារនានា។ មានបែង ចែកចាប់ពីម៉ាតខ្នាតតូច រហូតដល់ម៉ាតខ្នាតធំ ដោយអាស្រ័យលើទំហំ។ បង្កើតបរិយាកាសមានផាសុខភាព និងអតិថិជន ជាច្រើនដែលចូលចិត្តគុណភាព និងសេវាកម្មអតិថិជន។ ហើយអ្នកអាចដើរទិញឥវ៉ាន់ដោយសន្សំសំចៃផងដែរ និងអាច ទិញវត្ថុដោយចំនួនទឹកប្រាក់ ដែលបានបញ្ចុះតម្លៃដោយយោ ងតាមពេលវេលា។

រោងភាពយន្តទំហំរបស់វាមានច្រើនប្រភេទ ដែលជាកន្លែងកំសាន្តសម្រាប់បញ្ចាំងភាពយន្ត។ រោងកុននីមួយៗ នាពេល ថ្មីៗនេះ មានលក្ខណ:ពិសេសខុសគ្នា មានដំណើរការកន្លែងបទពិសោធន៍ ដូចជាខ្សែភាពយន្ត 3D, 4D្។ល។ និង ផ្តល់នូវសេវាកម្មជាច្រើនយ៉ាង សម្រាប់ភាពងាយស្រួលរបស់អ្នកប្រើ។ ចាប់តាំងពីពេលព្រលឹម រហូតដល់យប់ជ្រៅគឺនៅ មានម៉ោងបញ្ចាំងភាពយន្ត ដែលបន្ថែមពេលវេលា ដើម្បីអតិថិជនមកទស្សនាបាន។

ឧទ្យានសង្កាត់គឺជាឧទ្យាន ដែលត្រូវបានបង្កើតឡើង ដើម្បីអាចប្រើប្រាស់ដោយសេរី សម្រាប់ប្រជាពលរដ្ឋក្នុងភូមិ។ យោងទៅតាមតំបន់ មានទំហំខុសៗគ្នា និងរៀបចំឧបករណ៍ហាត់ប្រាណសម្រាប់មនុស្សពេញវ័យ និងកន្លែងលេង សម្រាប់កុមារ។ ដែលកំពុងជួយដល់សុខភាព និងជីវិតផ្លូវចិត្តរបស់ប្រជារដ្ឋនៃសង្កាត់នេះ។