Information Plus
មជ្ឈមណ្ឌលហៅទូរស័ព្ទ Danuri
1577-1366
លេខទូរស័ព្ទហៅពិគ្រោះអំពីបញ្ហាគ្រួសារ
1577-4206
한국생활안내 정보더하기 사이트로 이동
  • វិទ្យាស្ថានកូរ៉េដើម្បីគ្រួសារមានសុខភាពល្អ

មជ្ឈមណ្ឌលហៅទូរស័ព្ទ Danuri : 1577-1366

가족상담전화 : 1644-6621

2021 Web Award Winner 2023 A.N.D Award Winner

21F, 173, Toegye-ro, Jung-gu, Seoul (Chungmuro ​​3-ga, Namsan Square Building)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

ការថែទាំកុមារនិងការអប់រំកុមារតូច

  • Home
  • ការមានផ្ទៃពោះ និងការថែរក្សាកូន
  • ការថែទាំកុមារនិងការអប់រំកុមារតូច

ការថែទាំកុមារនិងការអប់រំកុមារតូច

01ការថែទាំកុមារ និងការអប់រំកុមារតូច

មុនពេលចុះឈ្មោះចូលរៀនបឋមសិក្សា កុមារអាចទទួលបានការថែទាំ និងការអប់រំថ្នាក់កុមារដ្ឋាន ឬ មតេយ្យសិក្សា។

(1)ផ្ទះកុមារ

  • ផ្ទះកុមារគឺជាថ្នាលមួយដែលផ្តល់ការថែទាំ និងការអប់រំសម្រាប់កុមារអាយុពី 0-៥ឆ្នាំហើយថ្នាក់ កុមារដ្ឋាននេះត្រូវបាន បង្កើតឡើងដោយក្រសួងសុខាភិបាល និងសុខមាលភាព អនុលោមតា មាត្រាទី១០(ប្រភេទកុមារដ្ឋាន) នៃច្បាប់ស្តីពីការថែទាំទារក។
  • ម៉ោងសេវាថែទាំកុមារគឺផ្អែកលើថ្ងៃធ្វើការចាប់ពីម៉ោង 07:30 ព្រឹក ដល់ 7:30 យប់។ អាស្រ័យលើស្ថាប័ន ការបន្ថែមការថែទាំកុមារពេលល្ងាច និងការថែទាំកុមារ 24 ម៉ោងក៏ត្រូវបានផ្តល់ជូនផងដែរ។
  • ថ្នាក់កុមារភាពផ្តល់ការអប់រំជាមួយនឹងខ្លឹមសារដែលចាំបាច់សម្រាប់សុខភាព សុវត្ថិភាព និងបែបបទជីវិតដ៏ត្រឹមត្រូវរបស់កុមារតូចរួមទាំងខ្លឹមសារដែលចាំបាច់សម្រាប់ការអភិវឌ្ឍន៍ រាងកាយ សង្គម ភាសា ការពិចារណា និងអារម្មណ៍។
  • ថ្លៃថែទាំប្រចាំខែមានភាពខុសប្លែកគ្នាអាស្រ័យទៅលើពេលវេលាថែទាំ អាយុរបស់កុមារ និងប្រភេទនៃកន្លែងថែទាំរបស់កុមារ។​ជំនួយរបស់រដ្ឋាភិបាលសម្រាប់ក្មេងចាប់ពីអាយុ 0-2 ឆ្នាំ (រួមទាំងកុមារនៃគ្រួសារពហុវប្បធម៌) ដែលបានចូលរៀនសាលា មត្តេយ្យមានចំនួន 364.០០០ ទៅ 499.០០០ វ៉ុន អាស្រ័យលើអាយុរបស់កុមារ។​ ជំនួយរបស់រដ្ឋាភិបាលសម្រាប់ក្មេងចាប់ពីអាយុ 3-5 ឆ្នាំ (រួមទាំងកុមារនៃក្រុមគ្រួសារពហុវប្បធម៌) ដែលចូលសាលារៀនគឺ 28០.០០០ វ៉ុនក្នុងមួយខែក្រោមវគ្គសិក្សា Nuri និង 532.០០០ វ៉ុនសម្រាប់កុមារមត្តេយ្យពិការដែលមានអាយុ 12 ឆ្នាំចុះក្រោម។

(2)ថ្នាក់មតេយ្យ

  • ថ្នាក់មតេយ្យសិក្សា គឺត្រូវបានកំណត់ថាជាថ្នាក់កុមារតូចដែលមានអាយុចាប់ពី ៣-៥ឆ្នាំ។
  • កម្មវិធីសិក្សា និងវគ្គបន្ទាប់ពីសាលាជាទូទៅចាប់ផ្តើមពីម៉ោង 9ព្រឹក ដល់ ម៉ោង 5ល្ងាច។ អាស្រ័យទៅតាមលក្ខខណ្ឌរបស់សាលាមត្តេយ្យនីមួយៗ សម្រាប់កុមារដែលឪពុកម្តាយមមាញឹក នឹងការងារ សេវាកម្មមើលថែទាំកុមារអាចបន្ថែមម៉ោងធ្វើការចាប់ពីម៉ោង7ព្រឹក ដល់ ម៉ោង10 យប់។
  • ការអប់រំថ្នាក់មតេយ្យសិក្សាផ្តោតលើការបង្កើតមូលដ្ឋានពលរដ្ឋធិបតេយ្យតាមរយ:ការជួយឲ្យ មានការអភិវឌ្ឍន៍សុខភាព និងអារម្មណ៍ប្រកបដោយភាពរលូន។ ការអប់រំត្រូវបានផ្តល់ដោយផ្អែក លើកម្មវិធីសិក្សាដែលមាន ៥វិស័យ គឺការហាត់ ប្រាណ/ សុខភាព ការប្រាស្រ័យទាក់ទង ទំនងទំនង សង្គម បទពិសោធគូគំនូរនិងការស្រាវជ្រាវធម្មជាតិ។
  • សម្រាប់ការចំណាយលើការអប់រំរបស់កុមារតូចដែលមានអាយុចាប់ពី ៣-៥ឆ្នាំ ថ្នាក់មតេយ្យជាតិ/សាធារណ:ត្រូវបានផ្តល់ចំនួយ ចំនួន 100,000វ៉ន ក្នុងមួយខែ និង 280,000វ៉នក្នុងមួយខែសម្រាប់ថ្នាក់មតេយ្យឯកជន។
ប្រការគួរយល់ដឹង!
សាលាគោលនយោបាលអប់រំពហុវប្បធម៌(សាលាមតេយ្យ)

នៅសាលាមតេយ្យដែលត្រូវបានកំណត់ជាសាលាគោលនយោបាលអប់រំពហុវប្បធម៌(សាលាមតេយ្យ)គឺមានការអនុវត្តនូវកម្មវិធីអប់រំសំរាប់ការ យល់ដឹងអំពីពហុវប្បធម៌ ទៅដល់ឪពុកម្តាយ និងកូនទាំងអស់ ហើយនឹងមានការទ្រទ្រង់ការអប់រំតាមតំរូវការអំពីការសិក្សាថ្នាក់មូលដ្ឋាន និងភាសាសំរាប់កុមារពហុវប្បធម៌ តាមរយៈវគ្គសិក្សានូរី។ នៅទូទាំងប្រទេស មានសាលាមតេយ្យចំនួន១៣១កន្លែង(ស្តង់ដារឆ្នាំ2018) ដែលត្រូវបានកំណត់អោយទៅជាសាលាគោលនយោបាលអប់រំពហុវប្បធម៌(សាលាមតេយ្យ)។ ហើយអ្នក អាចធ្វើការបញ្ជាក់អំពីសាលាមតេយ្យពហុវប្បធម៌នៅតាមតំបន់ស្នាក់នៅបាន តាមរយៈមន្ទីរអប់រំខេត្ត ក្រុង ឬ គេហទំព័រផូថល់សំរាប់ការអប់រំពហុវប្បធម៌(www.edu4mc.or.kr)។

02ជំនួយសម្រាប់ថ្លៃថែទាំកុមារ ថ្លៃសាលាទារក អត្ថប្រយោជន៍មាតាបិតា និងប្រាក់ឧបត្ថម្ភថែទាំកុមារតាមផ្ទះ

មុនពេលចូលសាលាបឋមសិក្សា ទារក និងកុមារទើបចេះដើរតេះតះ (អាយុរហូតដល់ 5 ឆ្នាំ) អាចចូលរៀននៅមជ្ឈមណ្ឌលថែទាំកុមារ (អាយុរហូតដល់ 5 ឆ្នាំ) ឬសាលាមត្តេយ្យ (អាយុពី 3 ទៅ 5 ឆ្នាំ) ហើយរដ្ឋាភិបាលផ្តល់ការថែទាំកុមារដោយឥតគិតថ្លៃ ឬថ្លៃសិក្សាមត្តេយ្យដែលត្រូវនឹងអាយុនីមួយៗ។ សម្រាប់កុមារដែលមិនបានចូលរៀននៅមជ្ឈមណ្ឌលថែទាំកុមារ ឬសាលាមត្តេយ្យ អត្ថប្រយោជន៍មាតាបិតា (សាច់ប្រាក់) និងប្រាក់ឧបត្ថម្ភថែទាំកុមារតាមផ្ទះត្រូវបានផ្តល់ជូន ដើម្បីកាត់បន្ថយបន្ទុកថ្លៃថែទាំកុមារ។

(1)ការឧបត្ថម្ភថ្លែសេវានៃការថែទាំកុមារ

ថ្នាក់កុមារដ្ឋាន និងជាស្ថាប័នមួយអាចដែលផ្តល់ការថែទាំកុមារអាយុចាប់ពី ០-៥ឆ្នាំ។ នៅពេល កុមារចុះឈ្មោះចូលរៀនថ្នាក់កុមារដ្ឋាន រដ្ឋាភិបាលផ្តល់ឧបត្ថម្ភធនលើការចំណាយទាំងអស់។

ទិសដៅសម្រាប់ឧបត្ថម្ភ

កុមារតូចស្ថិតក្នុងថ្នាក់មតេយ្យសិក្សា មុនចូលរៀនសាលាបឋមសិក្សាដែលមានអាយុចាប់ពី ០~៥ឆ្នាំ នឹងអាច ទទួលបានអត្ថប្រយោជន៍នៃការឧបត្ថម្ភថ្លៃសេវាថែទាំកុមារ ប្រសិនបើមានលក្ខណ: ដូចខាងក្រោម :

  • ដោយមិនគិតពីកំរិតប្រាក់ចំណូលរបស់គ្រួសារកុមារនោះទេ ជំនួយរបស់រដ្ឋាភិបាលសម្រាប់ក្មេងចាប់ពីអាយុ ០-2 ឆ្នាំ (រួមទាំងកុមារនៃគ្រួសារពហុវប្បធម៌) ដែលបានចូលសាលាមត្តេយ្យគឺ 364.០០០ វ៉ុន - 499.០០០វ៉ុន អាស្រ័យលើអាយុរបស់កុមារ។​ជំនួយរបស់រដ្ឋាភិបាលសម្រាប់ក្មេងចាប់ពីអាយុ 3-5 ឆ្នាំ (រួមទាំងកុមារនៃក្រុមគ្រួសារពហុវប្បធម៌) ដែលចូលសាលារៀនគឺ 28០.០០០ វ៉ុនក្នុងមួយខែក្រោមវគ្គសិក្សា Nuri និង 532.០០០ វ៉ុនសម្រាប់កុមារមត្តេយ្យពិការដែលមានអាយុ 12 ឆ្នាំចុះក្រោម។
(ឯកតា : វ៉ន)
지원 대상 표 : 구분, 지원단가, 장애아보육료, 비고를 포함한 표입니다.
ការបែងចែក តម្លៃនៃការគាំទ្រ តម្លៃថែទាំកុមារ ជនពិការ សំគាល់
តម្លៃសេវាថែទាំកុមារត្រឹមអាយុ ០ឆ្នាំ 499,000 532,000 -
តម្លៃសេវាថែទាំកុមារត្រឹមអាយុ ១ឆ្នាំ 439,000
តម្លៃសេវាថែទាំកុមារត្រឹមអាយុ ២ឆ្នាំ 364,000
តម្លៃសេវាថែទាំកុមារត្រឹមអាយុ ៣~៥ឆ្នាំ 280,000
  • ចាប់ពីខែកក្កដា ឆ្នាំ២០១៦តទៅ អនុវត្តជាក់ស្តែង " ការថែទាំកូនប្តូររឺតម្រូវទៅតាមតម្រូវការអតិថិជន"អាយុ ត្រឹម០∼2ឆ្នាំ មានទ្រទ្រង់សេវាកម្មថែទាំកូន(០៩:០០~១៥:០០, ៦ម៉ោង)ថ្នាក់ប្តូររឺតម្រូវទៅតាមតម្រូវការ និង ថ្នាក់ពេញមួយថ្ងៃ(០៧:៣០0~១៩:៣០, ១២ម៉ោង)ផ្អែកទៅតាមតម្រូវការថែទាំ(គ្រួសារពហុវប្បធម៌អាចប្រើ បានពេញមួយថ្ងៃ)
  • កុមារពិការដែលមានអាយុក្រោម 5 ឆ្នាំហើយមានប័ណ្ណសុខមាលភាពជនពិការ (វិញ្ញាបនប័ត្រចុះបញ្ជី) ត្រូវបានផ្តល់ជូននូវអត្ថប្រយោជន៍ថែទាំកុមារដោយមិនគិតពីប្រាក់ចំណូលគ្រួសាររបស់ពួកគេនោះឡើយ។ដូចគ្នាដែរក្នុងករណីលើកលែងត្រូវបានអនុវត្តចំពោះកុមារដែលអាយុចាប់ពី 3-5 ឆ្នាំត្រូវបានធ្វើរោគវិនិច្ឆ័យ/វាយតម្លៃ ថានឹងត្រូវការការអប់រំពិសេសយោងតាមមាត្រា 15 នៃច្បាប់អប់រំពិសេសសម្រាប់ជនពិការនិងអ្នកដទៃទៀត។ ​លើសពីនេះកំរិតពិការភាពនឹងមិនត្រូវបានបង្ហាញនៅលើការធ្វើរោគវិនិច្ឆ័យរបស់វេជ្ជបណ្ឌិត​ ប៉ុន្តែមតិយោបល់របស់វេជ្ជបណ្ឌិតអំពីពិការភាពត្រូវតែទទួលយកហើយស្របតាម“ ប្រភេទនិងលក្ខណៈវិនិច្ឆ័យរបស់ជនពិការ”។ នៅក្នុងក្រឹត្យអនុវត្តច្បាប់សុខុមាលភាពជនពិការ (ឧបសម្ព័ន្ធទី 1) ឬអនុលោមទៅតាម “ ស្តង់ដារជ្រើសរើសសម្រាប់កុមារដែលតម្រូវអោយមានការអប់រំពិសេស​ ”ដូចដែលបានបញ្ជាក់នៅក្នុងក្រឹត្យអនុវត្តច្បាប់ស្តីពីការអប់រំពិសេសសម្រាប់ជនពិការនិងផ្សេងៗទៀត (ឧបសម្ព័ន្ធ ) ។
នីតិវិធីដាក់ពាក្យស្នើសុំ

អាណាព្យាបាល (ឱពុកម្តាយឬអាណាព្យាបាលផ្សេងទៀត) អាចដាក់ពាក្យស្នើសុំដោយចូលទៅកាន់មជ្ឈមណ្ឌលសេវាកម្មសហគមន៍ eup, myeon, ឬ dong នៅក្នុងតំបន់នៃលំនៅដ្ឋានរបស់ពួកគេឬតាមរយៈអ៊ីនធឺណែតនៅលើគេហទំព័រសុខុមាលភាព Bokjiro (www.bokjiro.go.kr) ទោះយ៉ាងណាក៏ដោយសូមកត់សម្គាល់ថាកុមារពិការដែលមិនបានចុះឈ្មោះហើ់យមានបំណងចង់ទទួលបានអត្ថប្រយោជន៍ត្រូវតែដាក់ពាក្យដោយផ្ទាល់ (មិនមានកម្មវិធីតាមអ៊ីនធឺណិតនោះទេ) ។

    ឪពុកម្តាយ
    មណ្ឌលសហគមន៍(អ៊ឹប ម្ញន់ ដុង) និងសាលាស្រុកក្រុង ស្រុក ខណ្ឌ
    ឪពុកម្តាយ
    ផ្ទះថែទាំកុមារ
ឯកសារសំរាប់ការដាក់ជូន

អត្ថប្រយោជន៍នៃសន្តិសុខសង្គម(សេវាកម្មសង្គម) ទម្រង់ពាក្យស្នើរសុំ (ការកែប្រែ) លិខិតណែនាំអំពីហេតុផលសម្រាប់ការអនុវត្តការថែទាំបន្ថែម ការបញ្ជាក់ឯកសារសម្រាប់មូលហេតុនីមួយៗក្នុងការថែទាំបន្ថែម, កម្មវិធី I-Haengbok Card និងការចូលប្រើប្រាស់ព័ត៌មានឥណទានផ្ទាល់ខ្លួន។


អ្នកមានសិទ្ធិទទួលបានប័ណ្ណសុភមង្គលប្រជាពលរដ្ឋ ដែលអាចប្រើប្រាស់ដើម្បីបង់ថ្លៃថែទាំកុមារ (ការឧបត្ថម្ភរបស់រដ្ឋាភិបាលត្រូវបានដាក់ចូលទៅក្នុងគណនីម្ចាស់កាតដោយផ្ទាល់)។

(2)អត្ថប្រយោជន៍នៃការចំណាយលើការអប់រំកុមារ

ទិសដៅសម្រាប់ការឧបត្ថម្ភ
지원 대상 표 : 연령, 구분, 지원범위를 포함한 표입니다.
អាយុ បំណែងចែក ដែននៃការទ្រទ្រង់
៣-៥ឆ្នាំ ថ្លៃសិក្សារបស់កុមារ ទ្រទ្រង់កុមារដែលមានអាយុ ៣-៥ឆ្នាំ និងកំពុងចូលរៀនក្នុងសាលាមតេយ្យរដ្ឋ និងឯកជន ដោយមិនគិតអំពីកម្រិតចំណូលនៃគ្រួសារ។
ថ្លៃកម្មវិធីក្រៅម៉ោងសិក្សា ទ្រទ្រង់កុមារដែលចូលរួមកម្មវិធីក្រៅម៉ោងសិក្សានៅក្នុងសាលាមតេយ្យ(រួមទាំងវគ្គ សិក្សាមូលដ្ឋាន ក្នុងមួយថ្ងៃ ៨ម៉ោង(នៅពេលព្រមព្រៀងពីមាតាឬបិតា ៧ម៉ោង)។
  • ករណឺទារកមិនមានសញ្ជាតិកូរ៉េ ទារកមិនអាចទទួលបានការឧបត្ថម្ភថ្លៃបង់សាលាទេ (លើកលែងសម្រាប់ជនភៀសខ្លួន)។
គិតជាប្រាក់វ៉ន
(ខ្នាត : វ៉ន)
지원 금액 표 : 구분, 연령, 생년월일, 지원액을 포함한 표입니다.
ចំណែកចែក អាយុ ចំនួនប្រាក់ដែលទ្រទ្រង់ ន)
សាលាមតេយ្យរង សាលាមតេយ្យឯកជន
ថ្លៃសម្រាប់ ការអប់រំកុមារ ៥ឆ្នាំ 60,000 240,000
៤ឆ្នាំ
៣ឆ្នាំ
ថ្លៃសម្រាប់កម្មវិធី ក្រៅម៉ោងសិក្សា ៣~៥ឆ្នាំ 50,000 70,000
នីតិវិធី និងវិធីសាស្រ្តដាក់ពាក្យស្នើសុំ
  • (ការចុះឈ្មោះ)អាណាព្យាបាលអាចទៅទីស្នាក់ការសហគមន៍តាមស្រុក ភូមិ ឬ សង្កាត់ ដោយផ្ទាល់ដើម្បីសុំចុះអាស័យដ្ឋានទារក ឬ អាចចុះតាមអនឡាញដោយចូលទៅកាន់គេហទំព័រ (www.bokjiro.go.kr) ក៏បាន។ (ពាក្យស្នើសុំ) អាណាព្យាបាលអាចដាក់ពាក្យស្នើសុំនៅតំបន់ប្រជុំជន អ៊ឹប (eup) ម្យន់(myeon) ឬ ដុង(dong) ក្នុងតំបន់រស់នៅរបស់ខ្លួន ឬ តាមរយ:ការដាក់ពាក្យ ស្នើសុំតាមអ៊ីនធឺណែតតាមរយ:គេហទំព័រ(www.bokjiro.go.kr(សេចក្តីសម្រេចចិត្តនៃការ ផ្តល់អត្ថប្រយោជន៍) ផ្ទៀងផ្ទាត់ថ្ងៃខែឆ្នាំកំណើតរបស់អ្នកទទួលផល។(ការឧបត្ថ) គ្រួសាររបស់អ្នកទទួលការឧបត្ថម្ភត្រូវដាក់តារាងតុល្យកាលទៅកាន់មតេយ្យសិក្សាបន្ទាប់ពីដកអត្ថប្រយោជន៍ទាំងកុមារចេញពីថ្លៃសិក្សា។
    • ផ្ទៀងផ្ទាត់អ្នកទទួលអត្ថប្រយោជន៍ និងបញ្ជាក់បរិមាណ/ពាក្យស្នើសុំអត្ថប្រយោជន៍តាមរយ:កាតអេឡិចត្រូនិច(កាតអាអ៊ីហេងបុក)។

(3) ការគាំទ្រអត្ថប្រយោជន៍មាតាបិតា

អត្ថប្រយោជន៍របស់មាតាបិតាត្រូវបានបង់ដើម្បីទូទាត់សងសម្រាប់ប្រាក់ចំណូលដែលបាត់បង់ដោយសារការសម្រាលកូន និងការថែទាំកុមារ និងដើម្បីផ្តល់ការគាំទ្រយ៉ាងម៉ត់ចត់សម្រាប់ការថែទាំកុមារតូច ស្របតាមលក្ខណៈនៃការអភិវឌ្ឍន៍កុមារ ដែលការថែទាំដោយផ្ទាល់ដោយអ្នកថែទាំបឋមមានសារៈសំខាន់។

សិទ្ធិទទួលបានការគាំទ្រ :
កុមារដែលមានអាយុរហូតដល់ 1 ឆ្នាំ
ព័ត៌មានលម្អិតអំពីជំនួយ :
1 លានវ៉ុនក្នុងមួយខែសម្រាប់ក្មេងអាយុតិចជាង 1 ឆ្នាំ 500,000 វ៉ុនក្នុងមួយខែសម្រាប់ក្មេងអាយុ 1 ឆ្នាំ
វិធីសាស្ត្រទូទាត់៖ សាច់ប្រាក់នៅពេលចិញ្ចឹមកូនពីផ្ទ :
ឬប័ណ្ណទូទាត់នៅពេលប្រើ មជ្ឈមណ្ឌលថែទាំកុមារ ឬមណ្ឌលថែទាំកុមារពេញម៉ោង។
  • ប្រសិនបើចំនួនទឹកប្រាក់នៃការគាំទ្រប័ណ្ណទូទាត់មានតិចជាងចំនួនជំនួយអត្ថប្រយោជន៍មាតាបិតា ភាពខុសគ្នាត្រូវបានទូទាត់ជាសាច់ប្រាក់។
កម្មវិធី :
ឪពុកម្តាយ/អាណាព្យាបាលអាចដាក់ពាក្យបានដោយចូលទៅកាន់មជ្ឈមណ្ឌលសុខុមាលភាពរដ្ឋបាលរបស់ទារក/កុមារតូច (មជ្ឈមណ្ឌលសហគមន៍) ឬដាក់ពាក្យតាមអនឡាញ (www.bokjiro.go.kr ឬតាមរយៈកម្មវិធីទូរស័ព្ទ “Bokjiro”)

(4)ប្រាក់ឧបត្ថម្ភថែទាំនៅផ្ទះ

សិទ្ធិទទួលបានការគាំទ្រ :
កុមារដែលមានអាយុពី 24 ទៅ 86 ខែមុនពេលចូលសាលាបឋមសិក្សាដែលមិនចូលមណ្ឌលថែទាំកុមារ មត្តេយ្យ ឬសេវាថែទាំកុមារពេញមួយថ្ងៃ (អត្ថប្រយោជន៍មាតាបិតាត្រូវបានគាំទ្រសម្រាប់កុមារដែលមានអាយុរហូតដល់ 23 ខែ)
  • ក្នុងករណីទារកដែលគ្មានសញ្ជាតិកូរ៉េ ពួកគាត់នឹងមិនទទួលបានការឧបត្ថម្ភប្រាក់ថែទាំផ្ទះនោះទេ (ករណីលើកលែងចំពោះជនភៀសខ្លួន)
បរិមាណឧបត្ថម្ភ
  • ប្រាក់ឧបត្ថម្ភថែទាំកុមារ៖ 24 ~ 85 ខែ (100,000 KRW ក្នុងមួយខែ)
  • ប្រាក់ឧបត្ថម្ភថែទាំកុមារនៅជនបទ៖ 24-35 ខែ (156,000 វ៉ុនក្នុងមួយខែ), 36-47 ខែ (129,000 វ៉ុនក្នុងមួយខែ), 48-85 ខែ (100,000 វ៉ុនក្នុងមួយខែ)
  • ប្រាក់ជំនួយថ្លៃចិញ្ចឹមកុមារដែលរស់នៅតំបន់ធ្វើកសិកម្ម និងនេសាទ: អាយុ១២ខែ (200,000វ៉ន ក្នុង១ខែ), អាយុក្រោម១២~២៤ខែ (១៧៧, 000វ៉ន ក្នុង១ខែ), អាយុក្រោម ២៤~៣៦ខែ (១៥៦, 000វ៉ន ក្នុង១ខែ), អាយុក្រោម ៣៦~៤៨ខែ(១២៩,000វ៉ន ក្នុង១ខែ), អាយុក្រោម៤៨~៨៦ខែ(១00,000វ៉ន ក្នុង១ខែ)
(ខ្នាត : វ៉ន)
지원 금액 표 : 연령 별 양육수당, 농어촌 양육수당, 장애아동 양육수당을 포함한 표입니다.
អាយុចាប់ពី ប្រាក់ឧបត្ថម្ភថែទាំកុមារចំនួន អាយុចាប់ពី ប្រាក់ឧបត្ថម្ភថែទាំកុមារជនបទ អាយុចាប់ពី ប្រាក់ឧបត្ថម្ភចិញ្ចឹមកុមារពិការ
24~85 ខែ 100,000 24~35 ខែ 156,000 24~35 ខែ 200,000
36~47 ខែ 129,000 36~85 ខែ 100,000
48~85 ខែ 100,000
  • ឧបត្ថម្ភដល់ឆ្នាំចុះឈ្មោះចូលរៀនសាលាបឋមសិក្សារហូតដល់ខែ2
កាលបរិច្ឆេទទទួលប្រាក់ឧបត្ថម្ភ :
រៀងរាល់ថ្ងៃទី២៥ នៃខែនីមួយ (មុនថ្ងៃនេះ ក្នុងករណីថ្ងៃទី១៥ ចំថ្ងៃចុងសប្តាហ៍ ឬ ថ្ងៃឈប់សម្រាក)។
វិធីសាស្រ្តទទួលប្រាក់ឧបត្ថម្ភ
  • ការឧបត្ថម្ភជាសាច់ប្រាក់ (ដាក់ចូលក្នុងគណនីធនាគាររបស់កុមារ ឬ ឪពុកម្តាយដោយផ្ទាល់)
    • ដាក់កំណត់ដល់ឪពុកម្តាយរួមទាំងសមាជិកគ្រួសារ(ស្ថាប័នឧបត្ថម្ភ)នៃគម្រោងថែទាំកុមារ។
  • ការឧបត្ថម្ភជាសាច់ប្រាក់(ដាក់បញ្ចូលបន្ទាប់ពីផ្ទៀងផ្ទាត់គណនីរបស់អ្នកទទួលដោយអភិបាលក្រុងប្រធានហ្គន់(ងុន) ឫប្រធានហ្គុ(ងុ)។
ការទទួលប្រាក់ឧបត្ថម្ភសម្រាប់ការផ្លាស់ប្តូរអាសយដ្ឋាន
  • កាលបរិច្ឆទនៃការមករស់នៅកន្លែងថ្មីចំនឹងថៃ្ងទី១៥ឫមុនថ្ងៃនេះ (រហូតដល់ថ្ងៃទី១៥): ប្រាក់ឧបត្ថម្ភត្រូវបានផ្តល់ដោយអភិបាលក្រុងប្រធានហ្គន់(ងុន) នៅកន្លែងរស់នៅថ្មីនោះ។
  • កាលបរិច្ឆេទនៃការមករស់នៅកន្លែងថ្មីចំនឹងថៃ្ងទី១៦ឫក្រោយថ្ងៃនេះ (ក្រោយថ្ងៃទី១៦): ប្រាក់ឧបត្ថម្ភត្រូវបានផ្តល់ដោយអភិបាលក្រុងប្រធានហ្គន់ (ងុ) ឫប្រធានហ្គុ (ងុ) នៅកន្លែងរស់នៅថ្មីនោះ។
នៅពេលកុមារត្រូវបានជ្រើសរើសធ្វើជាទិសដៅនៃការឧបត្ថម្ភសម្រាប់ប្រាក់ឧបត្ថម្ភថែទាំកុមារប្រាក់ ឧបត្ថម្ភនេះត្រូវបានបើកចាប់ខែដែលដាក់ពាក្យស្នើសុំរហូតដល់ខែ2 ក្នុងឆ្នាំចុះឈ្មោះចូលរៀនសាលាបឋម។ ប្រាក់ឧបត្ថម្ភប្រចាំខែទាំងអស់ត្រូវបានបើកអោយដោយគ្មានការគណនាបន្ថែម។
  • ការគណនារយៈពេលទទួលបានការឧបត្ថម្ភរហូតដល់ខែ2នៃឆ្នាំទី7នៃអាយុរបស់កុមារ។
ស្តង់ដាក់ជ្រើសរើស
  • ផ្តល់ការឧបត្ថម្ភទាំងអស់គ្នា ដោយមិនគិតអំពីស្តង់ដារនៃប្រាក់ចំណូលឡើយ។ ប៉ុន្តែផ្តល់ប្រាក់ឧបត្ថម្ភចំពោះ តែក្នុងករណីកុមារពិការដែលបានចុះឈ្មោះថាជាពលរដ្ឋពិការ និងកុមារដែលមកពីគ្រួសារធ្វើកសិកម្ម និង នេ សាទដែលត្រូវនឹងលក្ខខណ្ឌនៃការឧបត្ថម្ភប៉ុណ្ណោះ។
선정기준 표 : 구분, 양육수당, 농어촌양육수당, 장애아동양육수당을 포함한 표입니다.
ប្រភេទ ប្រាក់ឧបត្ថម្ភថែទាំនៅផ្ទះ ប្រាក់ឧបត្ថម្ភថែទាំនៅផ្ទះសម្រាប់កុមាររស់នៅក្នុងតំបន់ធ្វើស្រែចំការ និងនេសាទ ប្រាក់ឧបត្ថម្ភថែទាំនៅផ្ទះសម្រាប់កុមារពិការ
ស្តង់ដារសម្រាប់ការជ្រើសរើសឯកសារដែលតម្រូវ សៀវភៅធនាគារថតចំលងដែលមានឈ្មោះម្តាយ ឬ កូន កុមារមកពីគ្រួសារធ្វើស្រែចំការ និងនេសាទ (លិខិតបញ្ជាក់ពីការគ្រប់គ្រងកសិកម្ម ។ល។) កុមារបិការដែលបានចុះឈ្មោះ “វិញ្ញាបនបត្រចុះឈ្មោះជនពិការ”
ការដាក់ពាក្យ
  • អាណាព្យាបាលរបស់កុមារអាចដាក់ពាក្យនៅមជ្ឈមណ្ឌលសេវាកម្មសហគមន៍ eup, Myeon, ឬ Dong (township) ក្នុងតំបន់ដែលពួកគេរស់នៅ ឬតាមរយៈកម្មវិធីអនឡាញ។ (តាមរយៈគេហទំព័រ’សុខុមាលភាព’ www.bokjiro.go.kr ឬកម្មវិធីទូរស័ព្ទ)

(5)កម្មវិធីទ្រទ្រង់ការមើលថែទាំកុមារ

ដែលគ្រួសារមានចន្លោះខ្វះខាតក្នុងការចិញ្ជឹមកុមារហើយស្វែងរកអ្នកថែទាំកុមារអាយុក្រោម១២ឆ្នាំ កម្មវិធីមានផ្តល់សេវាកម្មមើលថែទាំកុមារដើម្បីសម្រាលបន្ទុកចិញ្ចឹមបីបាច់របស់ឪពុកម្តាយ និងមានបន្ថែមកន្លែងសម្រាប់ដាក់សម្ភារៈថែទាំកុមារស្រប់តាមគោលនយោបាយរដ្ឋាភិបាល។

សេវាកម្មចំបង
  • សម្រាប់កុមារអាយុក្រោម១២ឆ្នាំ ដែលបានចូលសញ្ជាតិកូរ៉េចាប់ពី៣ខែឡើងទៅ
ស្ថាប័នប្រតិបត្តិ
  • ស្ថាប័នផ្តល់សេវាមើលថែទាំកុមារ មានទាំងអស់ ២២៣កន្លែង ទូទាំងប្រទេស។
ខ្លឹមសារសំខាន់ៗ
  • សេវាមើលថែទាំរួម និងក្រៅម៉ោង: ផ្តល់សេវា សាលារៀន, សំភារៈថែទាំពេលទៅ និងមកកន្លែងថែទាំំ និងជំនួយសំភារៈរៀបចំ, ការថែទាំកុមាររហូតដល់ឪពុកម្តាយមកទទួល, សកម្មភាពលេង, ការញុំាអាហារដែលបានរៀបចំ និងការអោយអាហារសំរន់ ។ល។ សម្រាប់ទារកអាយុពេញ ៣ខែដល់អាយុក្រោម ១២ឆ្នាំ។
    • សេវាមើលថែទាំរួមមានបញ្ចូលទាំងការងារផ្ទះ
  • ពេញមួយថ្ងៃសម្រាប់ទារក : ផ្តល់សេវាកម្មមើលថែទាំពេញមួយថ្ងៃសម្រាប់ទារកអាយុ ត្រឹម លើសពីអាយុ ៣ខែទៅក្រោម ៣៦ខែ។
  • សេវាគាំទ្រពិសេសសម្រាប់កុមារដែលឆ្លងជំងឺ៖ គាំទ្រជាពិសេសសម្រាប់ការដឹកជញ្ជូននៅមន្ទីរពេទ្យ និងសេវាថែទាំសម្រាប់កុមារអាយុពី 3 ខែដល់ 12 ឆ្នាំ ដើម្បីការពារពួកគេនៅផ្ទះដោយសារជំងឺឆ្លង ឬជំងឺរាតត្បាត។
ដំណើរការ និងវិធីនៃការដាក់ពាក្យស្នើសុំសេវាកម្ម

គោលបំណងនៃការប្រើប្រាស់សេវាកម្ម(ចេញនូវកាតសុភមង្គលរបស់ពលរដ្ឋដែលមានឈ្មោះអ្នកដាក់ពាក្យស្នើសុំ)

  • អ្នកដែលមិនអាចទទួលបានការឧបត្ថម្ភពីរដ្ឋាភិបាល
  • ការចូលជាសមាជិក

    ចូលទៅកាន់គេហទំព័រនៃកម្មវិធីទ្រទ្រង់ការមើលថែទាំកុមារ(idolbom.go.kr) ដើម្បីចុះឈ្មោះចូលជាសមាជិក បន្ទាប់មកស្នើសុំការអនុម័ត ដើម្បីចូលជាសមាជិកពេញសិទ្ធិ

  • ការអនុម័តលើសមាជិកពេញសិទ្ធិ(ស្ថាប័នដែលផ្តល់សេវាកម្ម ជាអ្នកអនុម័ត)
  • អ្នកដែលអាចទទួលបានការឧបត្ថម្ភពីរដ្ឋាភិបាល
  • មកកាន់មជ្ឈមណ្ឌលសហគមន៍

    មកកាន់មជ្ឈមណ្ឌលសហគមន៍នៅតាមអ៊ឹម ម្ញ៉ន់ ដុងដែលគ្រប់គ្រងទៅលើអាសយដ្ឋាននៃបញ្ជីស្នាក់នៅរបស់កុមារ ដើម្បីដាក់ពាក្យស្នុំការឧបត្ថម្ភពីរដ្ឋាភិបាល។ ចុះឈ្មោះធានារ៉ាប់រងសុខភាពសម្រាប់អ្នកធ្វើការដែលបានចុះបញ្ជីដែលយោងតាមច្បាប់ស្តីពីការឧបត្ថម្ភគ្រួសារដែលកំព្រាម្តាយ ឬឪពុក ឬ អ្នកចុះឈ្មោះធានារ៉ាប់រងសុខភាពសម្រាប់អ្នកដែលធ្វើការទាំងពីរនាក់ប្តីប្រពន្ធ។ ក្នុងករណីគ្រួសារកំព្រាម្តាយ ឬឪពុក គឺអាចដាក់ពាក្យស្នើសុំការឧបត្ថម្ភពីរដ្ឋាភិបាលបាន តាមរយៈគេហទំព័រប៊ុកជីរ៉ូ(www.bokjiro.go.kr)។

  • សេចក្តីជូនដំណឹងអំពីការវិនិច្ឆ័យ(ផ្ញើតាមប្រៃសនីយ៍ ឬ សារ)
  • ការចូលជាសមាជិក

    ចូលទៅកាន់គេហទំព័រនៃកម្មវិធីទ្រទ្រង់ការមើលថែទាំកុមារ(idolbom.go.kr) ដើម្បីចុះឈ្មោះចូលជាសមាជិក បន្ទាប់មកស្នើសុំការអនុម័ត ដើម្បីចូលជាសមាជិកពេញសិទ្ធិ

  • ការដាក់ពាក្យស្នើសុំទទួលសេវាកម្ម

    ដាក់ពាក្យស្នើសុំទទួលសេវាកម្ម អោយត្រូវនឹងកាលបរិច្ឆេទ និង ពេលវេលាដែលចង់បាន តាមរយៈគេហទំព័រ

  • ការទូទាត់លើថ្លៃប្រើប្រាស់

    នៅពេលសាមីខ្លួនប្រើប្រាស់កាតសុភមង្គលពលរដ្ឋ គឺសាមីខ្លួនជាអ្នកទូទាត់
    *អ្នកប្រើប្រាស់គណនីធនាគារបណ្តោះអាសន្ន ត្រូវបង់នូវចំណាយផ្ទាល់ខ្លួនជាមុន ទៅក្នុងលេខគណនីធនាគារបណ្តោះអាសន្នរបស់ខ្លួន នៅមុនពេលប្រើគណនីធនាគារ១ថ្ងៃ

  • ការប្រើប្រាស់សេវាកម្ម
  • សម្រាប់ព័ត៌មានលម្អិតបន្ថែម សូមទំនាក់ទំនងទៅស្ថាប័នផ្តល់សេវាកម្មមើលថែទាំកុមារ ដែលនៅជិតលោកអ្នក ឬ ក៏ចូលទៅកាន់គេហទំព័រសម្រាប់ កម្មវិធីផ្តល់ការថែទាំកុមារ(idolbom.go.kr)ដើម្បីស្វែងរក ព័ត៌មានដែលលោកអ្នកចង់បាន ឬក៏អាចទាក់ទងដោយផ្ទាល់តាមរយ:លេខទូរសព្ទរបស់ Danuri Helpline ☎1577-1366។
ការងារនេះអាចត្រូវបានប្រើោដោយយោងតាមលក្ខខណ្ឌ “KOGL (អាជ្ញាប័ណ្ណរដ្ឋាភិបាលបើកចំហរបស់កូរ៉េ) ប្រភេទទី 4៖ ការចង្អុលបង្ហាញប្រភព+ការហាមឃាត់ការប្រើប្រាស់ពាណិជ្ជកម្ម+ការហាមឃាត់ការផ្លាស់ប្តូរ”។
ពីមុន
ការគ្រប់គ្រងសុខភាពទារក
បន្ទាប់
ប្រព័ន្ធអប់រំរបស់កូរ៉េ