សៀវភៅមគ្គុទេសក៏សម្រាប់ការរស់នៅប្រទេសកូរ៉េ

មណ្ឌលសុខភាពគឺជាស្ថាប័នវេជ្ជសាស្ត្រសាធារណ: ដែលត្រូវបានបង្កើតឡើងដើម្បីលើកកម្ពស់ សុខភាពប្រជាជនក្នុងតំបន់ និងបង្ការ និងគ្រប់គ្រងជម្ងឺ។ តួនាទីរបស់មណ្ឌលសុខភាពគឺ ការងារវេជ្ជសាស្ត្រ ការបង្ការជំងឺឆ្លង ការព្យាបាល ការពិសោធនិងពិនិត្យ អនាម័យអាហារ ការណែនាំ និងគ្រប់គ្រងថ្នាំ និងរដ្ឋបាលទូទៅ។ ក្នុងចំណោម តួនាទីទាំងនេះ ផ្នែកការព្យាបាលមានតាមរយ:គេហទំព័រមណ្ឌលសុខភាពសាធារណ:(http://phi.mw.go.kr/g-health.kr)។ រាល់សេវាកម្ម ដូចជាការព្យាបាលជំងឺរ៉ាំរៃ ពិនិត្យជំងឺគ្រប់ប្រភេទ ការព្យាបាលដោយ ធម្មជាតិ និងការព្យាបាលតាមបែបបុរាណ។ មជ្ឈមណ្ឌលត្រូវបានដាក់ឲ្យដំណើរការដោយ អភិបាលរដ្ឋាភិបាលស្វ័យយ័តថ្នាក់មូលដ្ឋាន ដូចនេះ ដែននៃការព្យាបាល អត្ថន័យតម្លៃនៃមណ្ឌល នីមួយៗ អាចមានភាពខុសគ្នាបន្តិច។

ជាកម្មវិធីដែលផ្តល់សេវាកម្មគ្រប់គ្រងសុខភាពដូចជា ការគ្រប់គ្រងជំងឺរ៉ាំរ៉ៃដែលមានអ្នកជំនាញសុខភាពរបស់មណ្ឌសុខភាពដូចជា គិលានុបដ្ឋាយិកា អ្នកព្យាបាលរាងកាយ និងអ្នកជំនាញអាហារូបត្ថម្ភ ទៅដល់ផ្ទះផ្ទាល់ ដោយផ្តោតទៅលើក្រុមងាយរងគ្រោះផ្នែកសង្គមវប្បធម៌ និងសេដ្ឋកិច្ច និងមនុស្សចាស់ រស់នៅតែម្នាក់ឯង ដែលមានអាយុលើស ៦៥ឆ្នាំ និងគូស្វាមីភរិយាវ័យចំណាស់ដែលមានអាយុលើស ៧៥ឆ្នាំ ដែលមានការលំបាក ក្នុងការប្រើប្រាស់សេវាថែទាំសុខភាព។

មជ្ឈមណ្ឌលសុខុមាលភាពសុខភាពចិត្តវិទ្យា គឺជាមជ្ឈមណ្ឌលសុខភាពសាធារណ:ដែលអាចបង្ការរោគចិត្ត ពិនិត្យអ្នកជំងឺដែលមានរោគចិត្ត ផ្តល់ការប្រឹក្សា និងសេវាកម្មព្យាបាល គ្រប់គ្រងករណី និងផ្តល់ការអប់រំផ្លូវចិត្ត ភាពមិនប្រក្រតីនៃសុខភាពផ្លូវចិត្ត រឺក៍ញៀនថ្នាំ អាចរកការប្រឹក្សា និងជំនួយពីមជ្ឈមណ្ឌលសុខុមាលភាពសុខភាពផ្លូវចិត្តដែលនៅជិតលោកអ្នកបាន។