សៀវភៅមគ្គុទេសក៏សម្រាប់ការរស់នៅប្រទេសកូរ៉េ

ការធានារ៉ាប់រងសំណងឧបទ្ទវហេតុនៅក្នុងឧស្សាហកម្មត្រូវបានទទួលដោយម្ចាស់ក្រុមហ៊ុន ហើយមូលនិធិត្រូវបានបង់ទៅឱ្យនិយោជិកជំនួសម្ចាស់ក្រុមហ៊ុន។ក្នុងគោលការណ៍ វាអនុវត្តចំពោះអាជីវកម្ម និងក្រុមហ៊ុនទាំងអស់ដែលជួលនិយោជិក។ ប្រសិនបើនិយោជិករងរបួសដោយសារគ្រោះថ្នាក់ក្នុងឧស្សាហកម្ម។គាត់ត្រូវតែដាក់ពាក្យស្នើសុំទៅសេវាសំណង និងសុខុមាលភាពរបស់ពលករកូរ៉េ ហើយប្រាក់ឈ្នួលសំណងគ្រោះថ្នាក់អាចនឹងត្រូវបានផ្តល់ជូនបន្ទាប់ពីការពិនិត្យឡើងវិញរួចរាល់។

អាជីវកម្ម ឬនិយោជិកនៃអាជីវកម្មពាក់ព័ន្ធដែលគ្រប់គ្រងដោយច្បាប់ធានារ៉ាប់រងសំណងគ្រោះថ្នាក់ក្នុងឧស្សាហកម្ម ឬគ្រួសាររបស់ពួកគេអាចស្នើសុំសំណងក្នុងករណីមានរបួស មានជំងឺ ពិការភាព ឬមរណភាពក្នុងពេលកំពុងធ្វើការ។

នៅពេលបំពេញទម្រង់ពាក្យស្នើរសុំចំណាយលើការថែទាំសុខភាព ត្រូវប្រាកដថាកំណត់ត្រាខ្លឹមសារ និងកាលបរិច្ឆេទនៃគ្រោះថ្នាក់បានត្លម្អិត និងត្រឹមត្រូវ។ប្រសិនបើនិយោជិកត្រូវបានព្យាបាលនៅស្ថាប័នវេជ្ជសាស្ត្រសម្រាប់គ្រោះថ្នាក់ក្នុងឧស្សាហកម្ម។គាត់អាចស្នើសុំទៅស្ថាប័នវេជ្ជសាស្ត្រ ដើម្បីស្នើសុំការទូទាត់សំណងគ្រោះថ្នាក់ក្នុងឧស្សាហកម្មជំនួសវិញ។

ជំហានទីមួយសំរាប់ការបង្ការគ្រោះថ្នាក់នៅក្នុងឧស្សាហកម្ម គឺការសំអាតកន្លែងធ្វើការ និងផ្លូវឲ្យបានញឹកញាប់ ហើយនឹងរៀបចំ របស់របរអោយមានសណ្តាប់ធ្នាប់ ។ ផ្លូវត្រូវតែមានសភាពស្អាត ហើយកំរាលគួរតែត្រូវបាន ពិនិត្យថាតើវារអឹល រឺក៏អត់ឲ្យញឹកញាប់។ ខាងក្រោមនេះ ជាក្បួនសុវត្តិភាពមូលដ្ឋានដែលអាចអនុវត្តបាន គ្រប់ទីកន្លែងការងារ។