Information Plus
Данури дуудлагын төв
1577-1366
Гэр бүлийн зөвлөгөө өгөх дуудлага
1577-4206
한국생활안내 정보더하기 사이트로 이동
  • Эрүүл гэр бүлийн төлөөх Солонгосын институт

Данури дуудлагын төв : 1577-1366

가족상담전화 : 1644-6621

2021 Web Award Winner 2023 A.N.D Award Winner

21, давхар, 173 Toegye-ro, Jung-gu, Seoul (Chungmuro ​​3-ga). Намсан талбайн барилга)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

Ерөнхий мэдээлэл

  • Home
  • БНСУ-ын тухай
  • Ерөнхий мэдээлэл

Ерөнхий мэдээлэл

  • Republic of Korea

01Улсын албан ёсны нэр

Бүгд Найрамдах Солонгос Улс (Republic of Korea) бөгөөд үүнийг товчлон Солонгос(Кория) гэж бас дууддаг

02Байршил ба нутаг дэвсгэр

Өмнөд Солонгос нь Ази тивийн зүүн хойд зүгт байх Солонгосын хойгт оршдог бөгөөд нийт 100,188.1 км² газар нутагтай. Өмнөд Хойд Солонгос болон Солонгосын хойг орчмын арлууд нийлээд 221,000км² талбайтай бол Өмнөд Солонгос үүний 45%-тай тэнцэх газар нутагтай байна гэсэн үг юм. Солонгосын хойг нь Камбожаас (181,035км²) бага зэрэг том, Филиппин(300,000км²), Вьетнам(331,210км²), Японы (377,915км²) газар нутгийн 2/3-той тэнцэх хэмжээтэй. Солонгосын хойг нь баруун хойд талаараа Хятад улстай Амнуг голоор, зүүн хойд талаараа Хятад болон Орос улстай Түмань голоор хиллэдэг. Солонгос улс нь 3 тэнгисээр хүрээлэгдсэн бөгөөд баруун талд нь Шар тэнгис, зүүн талд нь Зүүн тэнгис, өмнө талд нь Өмнөд тэнгис оршдог. Солонгосын хойгийн өмнөд болон баруун хэсэг ерөнхийдөө тэгш хавтгай, харин зүүн болон хойд хэсэг нь уулархаг. Солонгосын хойгийн хамгийн өндөр уул бол Бэгдүуул(2,744м). Хойд хэсэгт орших Гэма өндөрлөгийг ‘Солонгосын дээвэр’ гэж нэрлэдэг бөгөөд, зүүн далайн эргийг даган сунайх Тэбэг нурууг Бэгдүгийн их нуруу гэдэг. Жэжү, Гожэ, Жин, Үллөн зэрэг алдартай арлууд бий. Жэжү болон Үллөн арал галт уулын дэлбэрэлтээс үүсэн тогтжээ. Шар тэнгис болон Өмнөд тэнгисийн хөвөө ээдрээ нугачаа ихтэй, татлага түрлэгийн зөрүү их байдаг. (Эх сурвалж: Газар нутаг, тээврийн яам )

03Төрийн далбаа (Тэгөгги)

  • 태극기
    • гон
    • гам
    • гун
    • и
    < Тэгөгги >

Солонгосын үндэсний далбаа нь “Taegeukgi” бөгөөд цагаан дэвсгэр дээр арга, билгийн бэлгэдлийг төв хэсэгт, “Geon,” “Gon,” “Gam,” and “Li” (хар хаалт) –г дөрвөн буланд нь хамт залсан байдаг. Цагаан дэвсгэр нь цагаан цайлган, цэвэр тунгалаг буюу Солонгосчуудын уламжлалт хайр, энх тайванг эрхэмлэх байдлыг илтгэдэг. Далбааны төв хэсэгт байх арга (цэнхэр), билэг (улаан)-ийн бэлгэдэл нь эдгээрийн зохицол нийцлийг илтгэх ба орчлон хорвоо дээрх бүхий л зүйлс нь арга, билгийн зохилдлогын дүнд үүсэн бүрэлдсэн гэсэн үнэн санааг харуулдаг.
Арга, билгийн дүрслэлийн дөрвөн талд байрлах 4 бэлгэдэл нь арга, билиг өөрчлөгдөж, нэгэнтэйгээ харилцаж буйг илтгэнэ.
Эдгээр 4 бэлгэдэл нь төвдөө байх арга, билэгтэйгээ цаг ямагт нийцэж оршино. Эдгээр далбааны бэлгэдэл нь Солонгосын бүтээн, хөгжүүлэхийн зэрэгцээ орчлон ертөнцтэйгээ нэгэн дор байх тэмүүллийг тусгасан юм. (Эх сурвалж: Дотоод хэрэг, аюулгүй байдлын яам)

04Улсын цэцэг (Гин цэцэг - Мүгүнхуа)

Эрт дээр үеэс ард түмний хайр хүндэтгэлийг хүлээж ирсэн “Мүгүнхуа” цэцэг Солонгос улсыг бэлгэддэг бөгөөд "өнө мөнхөд дэлгэрч байдаг, хэзээ ч хагдардаггүй цэцэг" гэсэн утгыг илэрхийлдэг. Эртний түүхийн сурвалж бичигт солонгос хүмүүс тэртээ Гужусоны үеэс Мүгүнхуа цэцгийг тэнгэрийн цэцэг гэж үздэг байсан тухай, Шиллачууд өөрийн улсыг “Гөнхуахян” буюу “Мүгүнхуа улс” гэж нэрлэдэг байсан тухай бичиж үлдээсэн байдаг. Мөн Хятадад Солонгос улсыг дээр үеэс “Мүгүнхуа цэцэг дэлгэрч хагдардаг оюун билэгтний улс” гэж магтан дуулдаг байв. Мүгүнхуа цэцэг энэ мэтээр хэдэн зуун жилийн турш ард түмэнтэй байсаар Жусонь улсын сүүл үе хүртэл ирсэн бөгөөд Солонгосын төрийн дуулалд "Мүгүнхуа цэцэг дэлгэрсэн үзэсгэлэнт уул нурууд, ус гол минь" гэсэн мөрийг нэмснээр энэ цэцэгт солонгосын ард түмэн улам хайртай болжээ. ард түмэн Японд эзлэгдэн дарлагдаж байхдаа ч энэ цэцгээ хайрлан дээдэлсээр байсан юм. Японы дарлалаас чөлөөлөгдсөний дараа Мүгүнхуа цэцэг улсын албан ёсны цэцэг болсон билээ. Мүгүнхуа цэцгийн шинжлэх ухааны нэр нь Hibiscus syriacus L. бөгөөд Египтын Hibis охин тэнгэртэй адилхан үзэсгэлэнт цэцэг гэсэн утгатай. Уг цэцгийг англиар Rose of Sharon гэж нэрлэдэг ба бурханд ерөөгдсөн газраас ургасан сарнай мэт үзэсгэлэнтэй цэцэг гэсэн утгатай юм. Мүгүнхуа Солонгос, Хятадын төв хэсэг, Энэтхэгийн хойд хэсэг, Япон зэрэг газар тархан ургадаг. Намар навчаа гөвдөг навчит модны аймгийн уг ургамал 3~4 метр хүртэл өндөр ургадаг, хагас дугуй хэлбэртэй. Жил бүр 7-10 сарын хооронд цэцэглэдэг бөгөөд цэцэг нь маш гоёмсог олон өнгө хэлбэртэй. Үүрээр дэлбээлж оройд хагдардаг уг цэцэг 100 өдрийн турш шинээр цэцгэлдэг(Эх сурвалж : Төрийн захиргаа, Аюулгүй байдлын яам).

  • 무궁화
    < Гин цэцэг-Мүгүнхуа >

05Төрийн дуулал

Эдүгээ эгшиглэж буй төрийн дууллын үгийг 1907 онд харийн түрэмгийллийн хямралыг даван туулах үед эх оронч үзэл, эх орон, үнэнч байдал, тусгаар тогтнолоо хайрлах сэтгэлийг төрүүлэх зорилгоор бүтээжээ. 1948 онд Бүгд Найрамдах Солонгос Улсын Засгийн газрыг байгуулсны дараа төрийн албан ёсны арга хэмжээнүүдэд 1935 онд Ан Еак-тэгийн зохиосон төрийн дууллыг одоогийн үгтэйгээр эгшиглүүлж байв.
Дараа нь бүх шатны сургуулийн сурах бичигт орсон учраас орон даяар дуулагдаж эхэлсэн. Өнөөдрийг хүртэл манай ард түмэн энэ дууг манай улсын төрийн дуулал болгон дуулж, дэлхийн улс орнуудад БНСУ-ын төрийн дуулал хэмээн таниулсан.

  • 애국가
    < Төрийн дуулал >

06Хүн ам

Солонгос улсын нийт хүн ам нь 51,779,203 (Солонгосын статистикийн Хүн ам орон сууцны тооллого 2019) бөгөөд дэлхийн хамгийн их хүн амтай 28 дахь улс юм. Хүн амын нягтаршлын хувьд нэг км хавтгай дөрвөлжин тутамд 515 хүн ногдож байгаа (Газар, дэд бүтэц, тээврийн яам оюуны статистикийн жилийн эмхэтгэл, Солонгосын хүн амын ирээдүйн статистик тооцоолол) нь дэлхийд 23-т орох үзүүлэлт байна.

  • 숭례문
    < Сүннэ хаалга >
  • 서울 전경
    < Сөүл хот >

07Эдийн засаг

Өмнөд Солонгосын ДНБ 1.81 их наяд ам.долларт хүрснээр дэлхийд 10-т жагсаж байгаа ба нэг хүнд ногдох ДНБ 34,983.70 ам.доллар байна (2021 оны байдлаар. Солонгос Улсын Банк).

08Засгийн газрын бүтэц

Өмнөд Солонгос Улс Ерөнхийлөгчийн засаглалтай бөгөөд засгийн газрын тэргүүний хувьд Ерөнхийлөгч нь бүх захиргааны төв байгууллагын дарга нарыг хууль тогтоомжийн дагуу удирдаж, хянадаг. Ерөнхий сайд Ерөнхийлөгчийн тушаалын дагуу төрийн захиргааны төв байгууллага бүрийн дарга нарыг удирдаж, хянадаг. Доорх зохион байгуулалтын бүдүүвчээс харахад Солонгосын төрийн аппарат нь 19 тамгын газар, 3 яам, 20 газар, зургаан хорооноос бүрддэг. (2024 оны 6-р сарын 27-ны байдлаар) Эдгээрээс захиргааны 19 тамгын газар дараах ажлыг хариуцдаг.

  • Засгийн газрын бүтэц
  1. 1Бодлого төлөвлөлт, санхүүгийн яам нь улс орныг хөгжүүлэх урт болон дунд хугацааны стратеги, эдийн засаг санхүүгийн бодлогыг боловсруулах, ерөнхийлөн хамаарах, зохицуулах, төсвийн мөнгө санхүүг захиран зарцуулах, мөнгөн дэвсгэрт, гадаад валют, засгийн газрын мөнгөн хуримтлал, засгийн газрын санхүү, улсын албан татвар, гаалийн татвар, олон улсын мөнгө санхүү, нийтийн үйлчилгээний байгууллагыг удирдах, эдийн засгийн хамтын ажиллагаа, улсын эд хөрөнгө, ард түмний хөрөнгө оруулалт хийгээд улсын өртэй холбоотой ажил хэргийг хариуцан гүйцэтгэдэг.
  2. 2Боловсролын яам нь хүний ​​нөөцийн хөгжлийн бодлого, нялх, бага насны хүүхдийн асаргаа, хүмүүжил, сургалтын хөтөлбөр, насан туршийн боловсрол, эрдэм шинжилгээний ажилтай холбоотой асуудлыг хариуцдаг.
  3. 3Шинжлэх ухаан, Технологи, Мэдээлэл, Харилцааны яам нь шинжлэх ухаан технологийн бодлогыг боловсруулж хэрэгжүүлэн, зохицуулалт үнэлгээ хийх, шинжлэх ухаан технологийн судалгаа нээлт хийж, хамтран ажиллаж, хөгжүүлэх, шинжлэх ухаан технологийн салбарт ажиллах боловсон хүчнийг бэлтгэх, цөмийн эрчим хүчний судалгаа явуулж нээлт хийн үйлдвэрлэж, ашиглах, улс үндэстнийг мэдээлэлжүүлэх төлөвлөгөөг боловсруулж, мэдээллийг хамгаалах, мэдээллийн соёлыг сахиулах, радио телевизийн нэвтрүүлэг·харилцаа холбоог нэгдмэл болгох, хөгжүүлэх болон долгионы ашиглалт, мэдээлэл харилцааны үйлдвэрлэл үйлчилгээ, шуудан·шуудангийн мөнгөн гуйвуулга зэрэг шуудантай холбоотой үйл ажиллагааг эрхлэн явуулдаг.
  4. 4Гадаад харилцааны яам нь гадаад харилцаа, эдийн засгийн гадаад харилцаа болон олон улсын эдийн засгийн хамтын ажиллагааны гадаад харилцаа, олон улсын харилцааны талаарх гэрээ, бусад олон улсын хэлэлцээр байгуулах, гадаадад оршин сууж буй солонгос иргэдийг хамгаалах, дэмжиж туслах, гадаадад амьдарч буй солонгос угсаатны талаарх бодлогыг боловсруулах, олон улсын улс төрийн байдлын талаар судалгаа, задлан шинжилгээ хийх зэрэг ажлыг хариуцан гүйцэтгэдэг.
  5. 5Нэгдлийн яам нь хоёр Солонгос хоорондын яриа хэлцэл, солилцоо, хамтын ажиллагаа, нэгдлийн боловсрол, нэгдэхтэй холбоотой бусад асуудлаар бодлого боловсруулах үүрэгтэй.
  6. 6Хууль зүйн яам нь шүүн байцаах, шүүхийн шийдвэрийг гүйцэтгэх, хүний эрхийг хамгаалах, гадаадын харьяатын хэргийг эрхлэх болон бусад хууль эрх зүйн асуудалтай холбоотой ажил хэргийг хариуцан гүйцэтгэдэг
  7. 7Батлан хамгаалах яам нь улсыг батлан хамгаалах асуудал, цэрэг арми, цэргийн тушаал шийдвэр болон бусад цэрэг армитай холбоотой ажил хэргийг хариуцан гүйцэтгэдэг.
  8. 8Дотоод хэрэг, аюулгүй байдлын яам нь дараах асуудлыг хариуцдаг: Засгийн газрын зөвлөлийн ажлын алба, хууль болон хэлэлцээрийг зарлан тунхаглах, засгийн газрын байгууллагуудын зохион байгуулалт, кворум, засгийн газрын инноваци, захиргааны үр нөлөө; цахим засаглал, хувийн мэдээллийн хамгаалалт, засгийн газрын оффисын менежмент, орон нутгийн засаг захиргааны байгууллагууд, хэрэг эрхлэх газрын дэмжлэг, орон нутгийн засаг захиргааны газрын санхүү татварын систем, хөгжиж буй газрын дэмжлэг, орон нутгийн засаг захиргааны хоорондын арбитрын маргаан, сонгууль үндэсний санал хураалтын дэмжлэг, үндэсний аюулгүй байдал, гамшиг, онц байдлын үеийн бэлтгэл ажиллагаа, иргэний хамгаалалт гамшгаас урьдчилан сэргийлэх ажиллагааны бодлого, зохион байгуулалт.
  9. 9Эх орончид, ахмад дайчдын асуудал эрхэлсэн сайд эх орондоо гавъяа байгуулсан ахмад дайчид, тэдний ар гэрийнхэнтэй холбоотой ажил хэрэг, халагдсан дайчдад нөхөн олговор олгох, хамгаалах, ахмад дайчдын урамшууллыг хариуцдаг.
  10. 10Соёл, биеийн тамир, аялал жуулчлалын яам нь соёл, урлаг, кино, зар сурталчилгаа, ном хэвлэл, сонин сэтгүүл, биеийн тамир, аялал жуулчлал болон улс оронд болж буй үйл явдлыг сурталчилах, засгийн газрын мэдээ мэдэгдэлийг хүргэхтэй холбоотой ажлыг хариуцан гүйцэтгэдэг.
  11. 11Хөдөө аж ахуй, далайн бүтээгдэхүүний яам нь газар тариалан, мал аж ахуй, хоол хүнс, газар болон ус ашиглалт, хүнсний үйлдвэрлэлийг дэмжих, хөдөө орон нутгийг хөгжүүлэх, болон хөдөө аж ахуйн бүтээгдэхүүний борлуулалттай холбоотой ажлыг хариуцан гүйцэтгэдэг.
  12. 12Худалдаа, үйлдвэрлэл, эрчим хүчний яам нь худалдаа, арилжаа, үйлдвэрлэл, худалдааны хэлцэл болон худалдааны хэлцлийн менежмент уялдаа, гадаадын хөрөнгө оруулалт, жижиг дунд үйлдвэрлэл, үйлдвэрлэлийн технологи болон эрчим хүч газар доорх нөөцийн судалгаа хөгжлийн бодлого зэрэг асуудлыг хариуцдаг.
  13. 13Эрүүл мэнд, нийгмийн хамгааллын яам нь амьжиргааг хамгаалах, бие даах чадварыг дэмжих, нийгмийн хамгаалал, хүүхэд (нялх, бага насны хүүхэд асрахаас бусад), өндөр настан, хөгжлийн бэрхшээлтэй иргэд, эрүүл мэнд, эрүүл ахуй, хорио цээрийн дэглэм, парламентын асуудал, эм зүйн салбартай холбоотой асуудлыг хариуцдаг.
  14. 14Байгаль орчны яам нь байгаль орчин, амьдрах орчныг хамгаалах, орчны бохирдлоос урьдчилан сэргийлэх, усны нөөц, гол мөрний урсацыг хамгаалах, ашиглах, хөгжүүлэх асуудалд хяналт тавьдаг.
  15. 15Хөдөлмөрийн яам нь хөдөлмөр эрхлэлтийн бодлого боловсруулах, хэрэгжүүлэх, хяналт тавих, хөдөлмөрийн даатгал, мэргэжил дээшлүүлэх сургалт, хөдөлмөрийн стандарт, ажилчдын нийгмийн халамж, ажилчид болон удирдлагын харьцааг зохицуулах, үйлдвэрлэлийн аюулгүй байдал, эрүүл ахуй, үйлдвэрлэлийн ослын даатгал, нөхөн олговор болон бусад ажил эрхлэлт болон хөдөлмөртэй холбоотой ажил хэргийг хариуцан гүйцэтгэдэг.
  16. 16Эмэгтэйчүүд, гэр бүлийн яам нь эмэгтэйчүүдэд хандсан бодлого төлөвлөлт, хэрэгжилт, хяналт, эмэгтэйчүүдийн эрх үүргийг нэмэгдүүлэх, байр суурийг нь өндөржүүлэх, өсвөр насныхан болон гэр бүл(олон соёлт гэр бүл болон эрүүл гэр бүл хөтөлбөрийн хүрээнд хэрэгжүүлэх хүүхэдтэй холбоотой ажил хэргийг мөн хамаардаг)-тэй холбоотой ажил хэргийг хариуцан гүйцэтгэдэг.
  17. 17Газар, дэд бүтэц, тээврийн яам нь улсын газрын төлөвлөлт, үндэсний газар хамгаалал, ашиглалт, бүтээн байгуулалт, хот, зам, орон сууц барих, эрэг, хөрсний нөхөн сэргээлт, газрын тээвэр, төмөр зам, агаарын тээвэр зэрэг үйл ажиллагаатай холбоотой асуудлыг зохицуулах үүрэгтэй.
  18. 18Далай, загас агнуурын яам нь далайн бодлого, загас агнуур, загас агнуурын тосгоны бүтээн байгуулалт, далайн бүтээгдэхүүн түгээх, усан тээвэр, боомт, далайн орчин, далайн судалгаа, далайн загас агнуурын нөөцийг хөгжүүлэх, далайн шинжлэх ухаан, технологийн судалгаа, хөгжил, далайн аюулгүй байдалтай холбоотой асуудлыг хянадаг.
  19. 19Жижиг дунд аж үйлдвэр, венчур компаний яам нь жижиг дунд аж үйлдвэрийн бодлого төлөвлөх, нэгтгэх, жижиг дунд аж үйлдвэрийг хамгаалах, хөгжүүлэх, гарааны бизнес, венчур компаниудийг дэмжих, жижиг дунд, том аж үйлдвэр хоорондын хамтын ажиллагаа болон жижиг бизнес эрхлэгчийн хамгаалах, дэмжихтэй холбоотой ажлыг хариуцан гүйцэтгэдэг.

09Орон нутгийн засаг захиргаа

Солонгос нь 17 хотын зөвлөл болон 226 дүүргийн зөвлөлд хуваагддаг. Хотын засаг захиргааны зөвлөл нь дотроо 1 тусгай болон 6 метрополитан хот, 1 өөртөө засах тусгай эрхтэй хот, 6 аймаг болон 3 өөртөө засах тусгай эрхтэй аймгаас бүрдэнэ.
Орон нутгийн засаг захиргааны нэгж нь 75 хот, 82 муж, 69 өөртөө засах эрхтэй дүүргээс бүрддэг ба 2023 оны 12 сарын 31-ний байдлаар орон нутгийн засаг захиргаа бүр нь 3491 дэд дүүрэгтэй байна.

  • 지방행정구역
지방행정구역 : 특별시, 광역시, 특별자치시, 도 및 특별자치도를 포함한 표입니다.
Нийслэл хот Томоохон хот Өөрөө удирдах тусгай хот Аймаг Өөрөө удирдах тусгай
1. Сөүл 2. Бүсань хот
3. Дэгү хот
4. Инчонь хот
5. Гуанжү хот
6. Дэжонь хот
7. Үлсань хот 		8. Сэжун өөрөө удирдах тусгай хот 9. Гёнги аймаг
10. Хойд Чүнчонь аймаг
11. Өмнөд Чүнчонь аймаг
12. Өмнөд Жолла аймаг
13. Хойд Гёнсан аймаг
14. Өмнөд Гёнсан аймаг 		15. Гангвон өөрөө засаглах тусгай муж
16. Жонбүк өөрөө засаглах тусгай муж
17. Жэжү өөрөө удирдах тусгай аймаг
БНСУ-ын газрын зураг
  • 지방행정구역
  • Дээрх БНСУ-ын газрын зураг нь 1:1,200,000 масштабтай бөгөөд Газар нутаг, Тээврийн яамны Үндэсний газарзүйн мэдээллийн хүрээлэнгээс гаргажээ. Дэлгэрэнгүй мэдээллийг интернет(http:// map.ngii.go.kr > орон зайн мэдээлэл > газрын зургийн мэдээлэл > Солонгос болон дэлхийн газрын зураг) - ээс харна уу.
สามารถใช้งานได้ตามเงื่อนไข “KOGL (ลิขสิทธิ์เปิดเผยซอร์ซโค้ดของเกาหลี) ประเภท 4: ระบุแหล่งซอร์ซโค้ด+ห้ามใช้ในเชิงพาณิชย์+ห้ามทำการเปลี่ยนแปลง”
Дараагийн
Цаг агаар