Солонгост амьдрахад зориулсан гарын авлага

Гадаадын иргэн Солонгост нэвтрэн орж ирэхдээ авсан визний ангилалаас хамааран ажил хөдөлмөр эрхлэж болдог. Гэрлэсэн цагаач(F-6 )визээр орж ирсэн хүн хууль ёсоор ажил хөдөлмөр эрхлэх эрхтэй байдаг.

Ажил хөдөлмөр эрхлэхээсээ өмнө гэр бүлийнхэнтэйгээ ажил хийх шаардлагатай эсэх, ямар ажил хийвэл зүгээр эсэх, цалингаа юунд зарцуулах талаар хэлэлцэх хэрэгтэй.

Та хамгийн ойр байрлах Хөдөлмөр эрхлэлтийн төв, Эмэгтэйчүүдийн шинэ ажлын байрны төв, Олон соёлт гэр бүлийг дэмжих төвөөс гадаадын иргэдийн (гэрлэсэн цагаачид гэх мэт) ажлын байрны талаарх мэдээллийг авах боломжтой.

Солонгосын иргэнтэй гэр бүл болсон гадаадын иргэн интернэт ашиглаж сурвал илүү амар хялбар, шуурхай аргаар ажилд орох боломжтой. Солонгос иргэнтэй гэр бүл болсон гадаадын иргэдэд ажилд зуучлах үйлчилгээ үзүүлдэг ихэнх байгууллагууд интернэт цахим хуудастай байдаг бөгөөд гэрээсээ интернэтээр дамжуулан ажил хайж болдог.

Сөүл хотоос эрхлэн гаргадаг энэ цахим хуудас Солонгос улсад амьдардаг гадаадын иргэдэд зориулсан хөдөлмөрийн яармаг ажиллуулж, ажилд ороход дэмжлэг үзүүлдэг бөгөөд ажилд орохтой холбоотой мэдээллийг англи болон хятад хэлээр хүргэдэг.

Хөдөлмөрийн яам Солонгосын хөдөлмөрийн мэдээллийн хүрээлэнгээр дамжуулан ажиллуулдаг портал сайт бөгөөд ажлын зар төдийгүй ажил мэргэжлийн танилцуулга, ажил мэргэжлийн сургалт дадлага зэрэг ажлын байртай холбоотой мэдээллээр хангаж байна. Тухайн хүний ажлын туршлага, боловсрол, дадлага, зэргийн үнэмлэх зэрэг мэдээллийн том датад анализ хийн ажил хайгчид тохирох ажлын байрыг санал болгож, ажилд орох анкетыг онлайнаар өгч болно. Мөн хүүхэд залуучуудын ажил мэргэжил төлөвлөлт, ажил хайх, ажилд авах зэрэгт туслахын тулд онлайнаар мэргэжлийн сэтгэлзүйн шинжилгээ, ажил мэргэжлийн мэдээлэл зэргийг өгч ажил мэргэжлээ оновчтойгоор сонгоход нь тусалдаг.

Улс орныг нийтэд нь холбосон ажил, халамж, иргэдийн санхүүгийн талаарх нэг цэгийн үйлчилгээг үзүүлдэг ба ажилд орох хүртэл нь тусалдаг. Хөдөлмөр халамжийн плас төвийн сайтаар дамжуулан оршин суугаа газартаа хамгийн ойр хөдөлмөр халамжийн плас төвийн нэгдсэн сайтад нэвтэрч болно. Хөдөлмөрийн биржээс гэрлэсэн цагаач иргэдийн ажил эрхлэх хүсэл, ажлын чадварыг нэмэгдүүлэх, халамж, санхүүгийн үйлчилгээг үзүүлэхийн тулд “Гэрлэсэн цагаач эмэгтэйчүүдэд ажил мэргэжлийн чиглэл өгөх хөтөлбөр(WiCi)”, богино хугацааны багаар зөвлөгөө өгөх хөтөлбөр, ажилд ороход хэрэгтэй тусгай лекц зэрэг хөтөлбөрийг зохион байгуулдаг. Мөн ажилд ороход нь тус биржийн ажилтан хамт явж дэмжих үйлчилгээг мөн үзүүлдэг.

Ажлын боловсрол болон эмэгтэйчүүдийн ажлын байр зуучлагч эмэгтэйчүүдийн ажлын нэгдсэн төв байгууллага юм.Ажлын байр олгох төвөөс ажил ологч талаас дарамт байгаа гэж үзвэл хариуцагч ажилтан ажил олгогч талтай биечлэн уулзана.

Орон нутгууд ч бас ажилд зуучлах үнэ төлбөргүй үйлчилгээ үзүүлдэг байгууллагыг ажиллуулдаг. (Орон нутгийн захиргааны цахим хуудаснаас харах)

Ажилд орох, гарааны бизнес эрхлэхийг хүссэн хүмүүст шаардлагатай мэргэжлийн чадвар технологи эзэмшихэд нь хөтөлбөрийг мэргэжлийн сургалтын хөтөлбөр гэнэ. Гадаад ажилчин ажил эрхлэлтийн даатгалд даатгуулсан тохиолдолд энэ хөтөлбөрт хамрагдах боломжтой болдог. Харин гэрлэсэн цагаач иргэн ажил эрхлэлтийн даатгалд даатгуулж байгаагүй ч гэсэн тус хөтөлбөрт хамрагдах боломжтой.

Иргэдэд мэргэжлийн ур чадвар хөгжүүлэх сургалтад хамрагдах зардал зэрэг дэмжлэг үзүүлдэг систем.

Дэмжлэг авах боломжтой хүмүүсээс бусад бүх иргэн хүсэлт гаргаж болно*

• Төрийн албан хаагчид, хувийн сургуулийн багш нар, жилийн 400 сая вон-оос дээш борлуулалттай хувиараа хөдөлмөр эрхлэгчид, том корпорацид ажилд орсон, сарын дундаж орлого 3 сая воноос дээш ажилчид (45-аас дээш насны), 5 сая воноос дээш дундаж орлоготой тусгай төрлийн ажилчид, төгсөх хүртэл 2-оос дээш жил үлдсэн коллежийн оюутнууд гэх мэт.