-
01БНСУ-ын тухай
-
02Олон соёлт гэр бүл · гадаад иргэдэд зориулсан үйлчилгээ
-
03Оршин суух зөвшөөрөл авах, иргэний харьяалалтай болох
-
04Солонгосчуудын аж амьдрал ба ахуй соёл
-
05Жирэмслэлт ба хүүхэд бойжуулах
-
06Хүүхдийн боловсрол
-
07Эрүүл мэндийн тусламж үйлчилгээ
-
08Нийгмийн хамгааллын тогтолцоо
-
09Ажилд орох болон хөдөлмөр эрхлэлт
-
10Хавсралт
-
Бүлгийн танилцуулга видео
-
Асуулт хариулт
-
Гэр бүлийн төвүүдийн төлөв
-
Данүри лавлах төвийн утасны дугаар
-
Цагаач залуучуудыг дэмжих сан
-
Эмэгтэйчүүдийн шинээр ажил хийх, хөдөлмөр зуучлалын төв(Шинэ ажил төв)-ийн жагсаалт
-
Гадаадын иргэн харьяатын асуудал эрхлэх газар болон Гадаадын иргэн харьяатын асуудал эрхлэх албад
-
Солонгосын аялал жуулчлалын албаны аялал жуулчлалын талаарх танилцуулга
-
БНСУ дахь зарим орны Элчин сайдын яамны утасны дугаар
-
Хувийн мэдээллийг хамгаалах тухай
-
Данури дуудлагын төв : 1577-1366
가족상담전화 : 1644-6621
21, давхар, 173 Toegye-ro, Jung-gu, Seoul (Chungmuro 3-ga). Намсан талбайн барилга)
Copyright ⓒ KOREA INSTITUTE FOR HEALTHY FAMILY. All Rights Reserved
Эрүүл мэндийн төв нь бүс нутгийн ард иргэдийг өвчлөхөөс урьдчилан сэргийлэх, эрүүл мэндийн үйлчилгээ үзүүлэхийн тулд улсаас байгуулсан эрүүл мэндийг хамгаалах байгууллага юм. Эрүүл мэндийн төв нь эрүүл мэндийг сахин хамгаалах хөтөлбөр хэрэгжүүлэх, халдварт өвчнөөс сэргийлэх, эмчлэх, туршилт болон шинжилгээ хийх, хүнсний эрүүл ахуй, эм эмийн бүтээгдэхүүн хэрэглэхэд зөвлөгөө заавар өгөх, бусад захиргааны үйл ажиллагаа явуулах үүрэгтэй. Энд архаг хууч өвчний эмчилгээ, төрөл бүрийн шинжилгээ, физик эмчилгээ, шүдний эмчилгээ, уламжлалт эмчилгээ хийдэг. Эрүүл мэндийн төвийг тухайн орон нутгийн өөрөө удирдах байгууллагын дарга байгуулж, үйл ажиллагааг нь хөтлөн явуулдаг болохоор төв бүрийн эмчилгээний хамрах хүрээ, төрөл зүйл, төлбөр харилцан адилгүй байдаг тул очихоосоо өмнө харьяа эрүүл мэндийн төвөөсөө асууж лавлах шаардлагатай.
01Ерөнхий эмчилгээ
| Ангилал | Агуулга |
|---|---|
| Эмчилгээ | Үндсэн 1-р шатны эмчилгээ, цусны өндөр даралт, чихрийн шижин зэрэг архаг хууч өвчний эмчилгээ, төрөл бүрийн шинжилгээ, физик эмчилгээ |
| Уламжлалт эмчилгээ | Зөвлөгөө болон уламжлалт эмчилгээ |
| Шүдний эмчилгээ | Амны хөндийн үзлэг болон зөвлөгөө, урьдчилан сэргийлэх эмчилгээ, цоорхой шүдийг эмчлэх эмчилгээ, шүд авах зэрэг |
| Эмчилгээний төлбөр | Эрүүл мэндийн төвийн эмчилгээний төлбөр болон шимтгэлийн хэмжээг 「Орон нутгийн эрүүл мэндийн хууль」-ийн 25-р зүйлд заасны дагуу орон нутгийн өөрөө удирдах байгуулгаас гаргасан журмаар тогтооно. |
02Эрүүл мэндийн төвийн гэрээр үйлчлэх эрүүл мэндийн үйлчилгээ
Сувилагч, физик эмчилгээний эмч, шим тэжээлийн мэргэжилтэн зэрэг Эрүүл мэндийн төвийн мэргэжилтэн эмч эрүүл мэнд, хяналтын үйлчилгээг ашиглах боломжгүй нийгэм, соёл, эдийн засгийн сул давхарга болон 65-аас дээш насны ганц бие хөгшин, 75-аас дээш насны эхнэр нөхөр бүхий өндөр настны гэрээр очиж архаг өвчинд нь хяналт тавих зэрэг эрүүл мэндийн хяналтын үйлчилгээг үзүүлдэг хөтөлбөр юм.
(1)Хамрагдах хүн
- Эрүүл мэндийн тусламж үйлчилгээг хялбархан авч чадахгүй, эрүүл мэндийн тусламж үйлчилгээ авах шаардлагатай иргэд*
- Тамхи татах, согтууруулах ундаа хэтрүүлэн хэрэглэх, тогтмол бус хооллолт, хөдөлгөөний дутагдал зэргээс шалтгаалан эрүүл мэндийн байдлаа сайжруулах шаардлагатай байгаа иргэд, цусны даралт ихсэх, чихрийн шижин, таргалалт зэрэг өвчнөөр өвчилсөн эрсдэлт болон өвчлөлтэй бүлэг
- (Тэргүүлэх бүлэг) 65 ба түүнээс дээш насны ахмад настан, үндэсний үндсэн амьжиргааны баталгааг хүлээн авагчид, бага орлоготой гэр бүл, ганц бие ахмад настан, олон соёлт гэр бүл, өрх толгойлсон эцэг, эхтэй гэр бүл, өвөө эмээ өрх толгойлдог гэр бүл, хойд солонгосын дүрвэгсэд, үл тоогддог архаг өвчтэй хүмүүс, архаг өвчтэй эрүүл мэндийн эрсдэлт бүлэг.
- Урт хугацааны асаргаанд хамрагдах боломжтой ахмад настангуудыг оруулахгүй (1-5-р зэрэг).
(2)Үйлчилгээний агуулга
- Эрүүл мэндийн асуудлыг судлах(Эрүүл мэндийн байдал болон онц хүнд өвчлөлийн хүчин зүйлийг тодорхойлох)
- Архаг хууч өвчин(цусны даралт, чихрийн шижин)-ийг хянах болон хам өвчнөөс өвчнөөс урьдчилан сэргийлэх
- Жирэмсэн эх, төрсөн хүүхэд болон нярай, бага насны хүүхдийн эрүүл мэндийн хяналт
- Өндөр настныг эрүүл мэнд доройтохоос нь урьдчилан сэргийлэх
- Олон соёлт гэр бүл болон Хойд Солонгосын цагаач иргэдийн эрүүл мэндийн хяналт
- Эрүүл мэндийн байдлыг сайжруулах эрүүл мэндийн сургалт явуулах
(3)Эмчилгээ үйлчилгээний үе шат
- Орон нутгийн эрүүл мэндийн төвийн гэрээр үйлчлэх эрүүл мэндийн үйлчилгээг хариуцсан хэлтсээс уг үйлчилгээ шаардлагатай хүмүүсийг сонгоно.
- Хариуцсан ажилтан гэрээр нь очиж хүсэлт гаргагчийн гэр бүл, амьжиргааны нөхцөл байдал, эрүүл мэндэд нөлөөлж буй шалтгаан зэргийг судална.
- Судалж үзсэний дараа тусгайлан хянах ёстой бүлэг, тогтмол хянах ёстой бүлэг, өөрийн чадалтай бүлэг гэж ангилна.
- Бүлгийн ангиллаас хамаарч тусгайлан гэрээр нь эрүүл мэндийн хяналтын үйлчилгээг үзүүлэх болон Эрүүл мэндийн төвийн дотоод гадаад нөөцтэй холбоно.
03Сэтгэцийн шинжилгээ оношлогооны үнэ төлбөргүй үйлчилгээ
Сэтгэцийн эрүүл мэнд, халамжийн төв нь сэтгэцийн өвчнөөс урьдчилан сэргийлэх, сэтгэцийн эрүүл мэндийг хамгаалах, сэтгэцийн эмгэгтэй өвчтөнг илрүүлэх, зөвлөгөө болон нөхөн сэргээх эмчилгээ үйлчилгээ үзүүлэх, сэтгэцийн эрүүл мэндийн сургалт, сурталчилгаа зэрэг ажлыг явуулдаг олон нийтийн эрүүл мэндийн байгууллага юм. Гансрах, сэтгэцийн тайван бус байдал, эмэнд донтох зэрэг байдал шинж тэмдэг мэдэгдвэл үед ойролцоох сэтгэцийн эрүүл мэнд, халамжийн төвд хандаж зөвлөгөө авч болдог.
(1)Хамрагдах хүн
- Сэтгэцийн өвчтөнтэй холбоотой программ нь бүс нутгийн доторх өвчтөнд хамаарна.
- Сэтгэцийн эрүүл мэндийг дэмжих хөтөлбөрүүд нь сэтгэцийн өвчтэй болох өндөр эрсдэлтэй орон нутгийн иргэдэд чиглэдэг.
(2)Хамрагдах үе шат
Сэтгэцийн эрүүл мэнд, халамжийн төв нь ажлын өдөр(Даваа~Баасан) үдээс өмнө 9 цагаас үдээс хойш 6 цаг хүртэл ажиллах ба орон нутгийн нөхцөл байдлаас хамаарч бага зэрэг ялгаатай байна.
Үйлчлүүлэх шат дараалал
- Сэтгэцийн эрүүл мэнд, халамжийн төвд биеэр очиж бүртгэлийн хуудас бөглөнө.
- Сэтгэцийн эрүүл мэнд, халамжийн төвөөр анх үйлчлүүлж байгаа хүмүүс эмчийн үзлэг, сэтгэлзүйн дүгнэлтийн дагуу холбогдох хөтөлбөрт хамрагдана..
- Сэтгэцийн шинжилгээ оношлогооны зөвлөгөө өгөх утас(☎1577-0199)-нд холбогдож сэтгэцийн эрүүл мэнд, халамжийн төвөөр үйлчлүүлэх тухай мэдээлэл, зөвлөгөө авах боломжтой
- Үйлчилгээний төлбөр :
- Төлбөргүй(Хэрвээ өндөр өртөгтэй тусгай эмчилгээ хийлгэх бол тодорхой хэмжээний хэсгийг өвчтөн хариуцана.)
