-
01БНСУ-ын тухай
-
02Олон соёлт гэр бүл · гадаад иргэдэд зориулсан үйлчилгээ
-
03Оршин суух зөвшөөрөл авах, иргэний харьяалалтай болох
-
04Солонгосчуудын аж амьдрал ба ахуй соёл
-
05Жирэмслэлт ба хүүхэд бойжуулах
-
06Хүүхдийн боловсрол
-
07Эрүүл мэндийн тусламж үйлчилгээ
-
08Нийгмийн хамгааллын тогтолцоо
-
09Ажилд орох болон хөдөлмөр эрхлэлт
-
10Хавсралт
-
Бүлгийн танилцуулга видео
-
Асуулт хариулт
-
Гэр бүлийн төвүүдийн төлөв
-
Данүри лавлах төвийн утасны дугаар
-
Цагаач залуучуудыг дэмжих сан
-
Эмэгтэйчүүдийн шинээр ажил хийх, хөдөлмөр зуучлалын төв(Шинэ ажил төв)-ийн жагсаалт
-
Гадаадын иргэн харьяатын асуудал эрхлэх газар болон Гадаадын иргэн харьяатын асуудал эрхлэх албад
-
Солонгосын аялал жуулчлалын албаны аялал жуулчлалын талаарх танилцуулга
-
БНСУ дахь зарим орны Элчин сайдын яамны утасны дугаар
-
Хувийн мэдээллийг хамгаалах тухай
-
Данури дуудлагын төв : 1577-1366
가족상담전화 : 1644-6621
21, давхар, 173 Toegye-ro, Jung-gu, Seoul (Chungmuro 3-ga). Намсан талбайн барилга)
Copyright ⓒ KOREA INSTITUTE FOR HEALTHY FAMILY. All Rights Reserved
Дунд сургуулийн боловсрол
- Home
- Хүүхдийн боловсрол
- Дунд сургуулийн боловсрол
Дунд сургуулийн боловсрол
Дунд сургуулийн сургалт 3 жил байдаг. Дунд сургуульд элсэн орох сурагчийг нутаг, сургууль бүрээр сугалагаар таарсан сургуульд нь хуваарилдаг ч зам тээврийн нөхцлийн хувьд маш бэрхшээлтэй нутгийн хувьд сургуулийн захирлын тогтоосон дунд сургуулийн бүсийн хүрээнд элсэх сургуулийг хуваарилна. Дунд сургууль бага сургуультай адилаар заавал эзэмших боловсрол бөгөөд үнэ төлбөргүй байдаг. Хэрвээ эцэг эх нь хүүхдээ дунд сургуульд сургахгүй бол торгууль төлнө.
01Сургалтын хөтөлбөрийн агуулга
Дунд сургуулийн сургалтын хөтөлбөр нь бага сургуулийн сургалтын үр дүнд үндэслэх ба сурагчийн өдөр тутмын амьдрал, хичээлд шаардлагатай үндсэн чадварыг суулгаж, зөв зан чанартай болон ардичлсан иргэн болж төлөвшүүлэхэд чиглэсэн байдаг. Сурагчид хичээлийн улирал бүрт 8 төрлийн дараах хичээлийг үздэг.
| Хичээл | 1~3 ангийн хичээлийн цаг | Хичээлийн агуулга |
|---|---|---|
| Эх хэл | 442 | сонсох • ярих, унших, бичих, хэлзүй, уран зохиол |
| Нийгэм(түүх багтана)/Ёс зүй | 510 | улс төр, хууль, газарзүй, түүх, өөртэйгөө харилцах харилцаа |
| Математик | 374 | тоо болон тоо бодлого, үсэг ба томъёо, тэгшитгэл, магадлал ба бүртгэл тооцоо, геометр |
| Байгалийн шинжлэх ухаан/ Хөдөлмөр · Гэр ахуй/Мэдээлэл | 680 | хүч тамир ба хөдөлгөөн, бодис, амьд биет ба дэлхий ертөнц, гэр бүл, технологи ашиглалт, мэдээлэл соёл |
| Биеийн тамир | 272 | эрүүл мэнд хөдөлгөөн, сорилт, өрсөлдөөн, өөрийгөө илэрхийлэх, чөлөөт цаг |
| Урлаг(Дуу хөгжим/ Дүрслэх урлаг) | 272 | өөрийгөө илэрхийлэх, урлагийн бүтээл таашаан мэдрэх, ойлгох, өдөр тутмын амьдралдаа хэрэглэх, |
| Англи хэл | 340 | сонсох, ярих, унших, бичих |
| Сонгон суралцах хичээл | 170 | Хятад ханз, байгаль орчин, гадаад хэл (герман, франц, испани, хятад, япон, орос, араб, вьетнам), нийгмийн эрүүл мэнд, ажил мэргэжлийн зөвлөгөө, мэргэжлийн сургалт гэх мэт |
02Бүтээлч, танин мэдэхүйд суурилсан үйл ажиллагаа
Бүтээлч, танин мэдэхүйд суурилсан үйл ажиллагаа нь танхимын хичээлээс гадуурх үйл ажиллагаа бөгөөд ирээдүйн мэргэжилтэй танилцах үйл ажиллагаа, сайн дурын үйл ажиллагаа, чөлөөт үйл ажиллагаа, дугуйлангийн үйл ажиллагаа гэсэн 4 хэсгээс бүрдэх ба сурагчийн хөгжлийн үе шат, сургалтын шаардлага зэргийг харгалзан үзэж сургууль үйл ажиллагааг уян хатан явуулж болно. Дараах хүснэгтэд дунд сургуулийн бүтээлч танин мэдэхүйн үйл ажиллагааг харуулав.
| Ангилал | Үйл ажиллагаа | Агуулга |
|---|---|---|
| Бие даасан үйл ажиллагаа |
| Сургуулийн найз нөхөдтэйгээ хэвийн харилцааг бүрдүүүлэх, бие дааж оновчтойгоор асуудлыг шийдвэрлэх чадварыг хөгжүүлэх, олон талын өргөн сэдвээр эрэл хайгуул хийх танин мэдэхүйн үйл ажиллагаа |
| Дугуйлан |
| Урлагийн талаар мэдлэгтэй болох, бие сэтгэлийн зөв хүмүүжил, эрэл хайгуул хийх чадвар ба асуудлыг шийдвэрлэх чадварыг хөгжүүлэх, олон янзын соёлын талаар ойлгох болон шинийг эрэлхийлэх, нийгэмд удирдан манлайлах чадварыг хөгжүүлэх |
| Сайн дурын үйл ажиллагаа |
| Сурагчийн сонирхол, онцлогыг ашигласан сайн дурын үйл ажиллагааг явуулах |
| Явцын байдал |
| Өөрийнхөө талаар эерэг ойлголтыг нэмэгдүүлэх, ирээдүйн ажил мэргэжлээ судлах |
“Сургуулийн хүчирхийлэл” гэдэг нь сургуулийн дотор эсвэл гадна сурагчдын биед гэмтэл учруулах, биед нь халдах, хорих, айлган сүрдүүлэх, хулгайлах, уруу татах, гүтгэх, доромжлох, шантаажлах, албадах, албадан даалгавар өгөх, бэлгийн хүчирхийлэл, дээрэлхэх, цахимаар дээрэлхэх гэх мэтээр бие махбодын болон оюун санааны хохирол, эд хөрөнгийн хохирол учруулсан үйлдлийг хэлнэ. Бие, оюун санаа, эд хөрөнгийн хохирол учруулсан аливаа үйлдлийг сургуулийн хүчирхийлэл гэж үзэж болно.
- Ердийнхөөс илүү эрч хүчгүй, хувиралгүй царайтай болох.
- Нэрийг дуудахад цочих гэх мэт өчүүхэн зүйлд ч хэтэрсэн хариу үйлдэл үзүүлж, ердийнхөөсөө илүү эмзэг байх.
- Сургуульд явахаас дургүйцэх эсвэл айдастай байх.
- Шалтгаангүйгээр хичээлээ таслах эсвэл шилжих хүсэлт тавих.
- Бие махбодь шархалж, хөхөрсөн, ганцаараа үлдэх хүсэлтэй байх.
- Цөхрөл (жишээ нь би үхмээр байна) эсвэл өшөө авалт (жишээ нь үхэх гэх мэт) илэрхийлсэн зургууд байх.
- Найз нөхөд нь өөрийнх нь талаар хов жив ярихад эсэргүүцдэггүй, хариу үйлдэл үзүүлдэггүй.
- Бүлгийн үйл ажиллагаа эсвэл анги доторх янз бүрийн үйл ажиллагааны үеэр гадуурхагдах эсвэл хасагдах.
- Завсарлагааны үеэр эсвэл үдийн хоолны үеэр ангийнхнаасаа зайлсхийхийн тулд ихэвчлэн тусгаарлагдсан өрөөнд (жишээлбэл, угаалгын өрөө) үлдэх.
- Хувцас нь ихэвчлэн урагдах эсвэл эд зүйлс алга болох.
- Сургуулийн арга хэмжээ, бүлгийн үйл ажиллагаанд оролцох дургүй байх.
- Хоцрох, эрт тарах, эсвэл ямар нэгэн онцгой шалтгаангүйгээр хичээлээ таслах тохиолдол их байх.
- Цахим холбооны хэрэгслийг түгшүүртэй харцаар шалгаж, эмзэг хариу үйлдэл үзүүлэх.
- Групп чатын өрөөнд удаа дараа сэтгэл зүйн халдлагад өртөх.
- Маш их халаасны мөнгө гуйх эсвэл онлайн төхөөрөмж дээр өндөр төлбөр гаргах.
- Эцэг эх нь электрон холбооны хэрэгсэлд нь хүрч, харахад маш дургүй байх бөгөөд хэт эмзэг хариу үйлдэл үзүүлэх.
- Зурвас эсвэл чатыг харсны дараа ичиж, сэтгэл санаагаар зовох.
- Цахим орчинд нэрээр нь бус доромжилсон хоч, хараалын үгээр дууддаг, эсвэл ихэвчлэн шоолуулж, хов живний бай болох.
- Нийгмийн сүлжээн дэх статус зурвас эсвэл гэрэл зураг гэнэт гунигтай эсвэл сөрөг болох.
- Компьютер эсвэл электрон холбооны хэрэгсэл ашиглахад хэтэрхий их цаг зарцуулах.
- Танихгүй хүмүүс таны хүүхдийн тухай цуурхал сонсох.
- Гэнэт гар утсаа ашиглах дургүй болох эсвэл нийгмийн сүлжээгээ хаах.
- Сургууль дээр
- Сургуулиас гадуур
(1)Сургууль
Сургуулийн хүчирхийллийг хариуцсан байгууллага
Хүүхэд хүчирхийлэлд өртсөн тухайгаа сургуулийн хүчирхийлэлтэй тэмцэх байгууллагад мэдээлсэн бол хүчирхийллийн хохирогч болсон, дээрэлхсэн хэрэг анх батлагдсанаас хойш 48 цагийн дотор Боловсролын газарт мэдэгддэг. Дараа нь Боловсролын газрын (тусламж) Сургуулийн хүчирхийллийг тэглэх төвийн "сургуулийн хүчирхийллийн мөрдөн байцаагч" сурагчид, эцэг эхчүүдтэй шууд уулзаж, асуудлыг шалгана.
Мөрдөн байцаалтын үр дүнг хүлээн авдаг тусгай байгууллага нь тухайн сургуулийн захирал эрх мэдлээрээ асуудлыг шийдвэрлэх эсэхийг хэлэлцдэг. Өөрөө шийдвэрлэх шаардлагыг хангасан бөгөөд хохирогч болон түүний эцэг эх/асран хамгаалагч нь зөвшөөрсөн бол захирал асуудлыг шууд шийдвэрлэх боломжтой. Харин захирал өөрөө шийдвэрлэх шаардлагыг хангаагүй, хохирогч болон түүний асран хамгаалагчид санал нийлэхгүй байгаа тохиолдолд Боловсролын газраас байгуулагдсан Сургуулийн хүчирхийллийн хариу арга хэмжээг хянан шалгах хороогоор хэлэлцүүлэх хүсэлт гаргана.
- Сургуулийн хүчирхийллийг тэглэх төв: Сургуулийн хүчирхийлэлд өртсөн сурагч болон хүчирхийлэгчийн хоорондын харилцааг сэргээх, хохирогчийг эдгээх, тэдэнд хууль зүйн зөвлөгөө өгөх зэрэг нэгдсэн дэмжлэг үзүүлэх ажлыг хариуцдаг Боловсролын газрын (тусламж) тусгай хэлтэс.
- Сургуулийн хүчирхийллийн мөрдөн байцаагч: Сургуулийн хүчирхийллийн хохирогч, хүчирхийлэгчтэй холбоотой үйл явдлын баримтыг батлахын тулд боловсролын ахлах ажилтангийн томилсон сургуулийн хүчирхийллийн мөрдөн байцаалт явуулж, зөвлөгөө өгөх мэргэжилтэн.
Ви(Wee) анги(Сургуулийн зөвлөгөө өгөх өрөө)
Олон төрлийн шалтгаанаар сургуульд явахад бэрхшээлтэй байгаа сурагчдад зориулж сургуульд байгуулсан 1-р шатны зөвлөгөө өгөх байгууллага бөгөөд сургуульд дасан зохицоход нь туслах үүднээс зөвлөгөө өгөх болон сэтгэлзүйн дэмжлэгийн мэдээлэл авчболно.
(2)Боловсрол(Дэмжих)газар
Сургуулийн хүчирхийллийг шүүн шалгах хороо
Сургуулийн хүчирхийллийг шүүн шалгах хороо нь сургуулийн хүчирхийллээс сэргийлэх болон авах арга хэмжээтэй холбогдох зүйлийг шүүн шалгах Боловсролыг дэмжих газрын хууль ёсны хороо юм. Шүүн шалгах хороо нь сургуулийн хүчирхийллээс урьдчилан сэргийлэх болон арга хэмжээ авах, хохирсон сурагчийг хамгаалах, хохирол учруулсан сурагчийн сургалт, шийтгэл, хохирогч болон хохирол учруулагч сурагчдын хоорондын зөрчилдөөнийг зохицуулах талаар хэлэлцэнэ.
Ви(Wee) төв(Сурагчид зөвлөгөө өгөх төв)
Сургуулиас чиглүүлэх болон эмчлэх хэцүү хохиролд учирсан сурагчийг дэмжихийн тулд Боловсролыг дэмжих газарт байгуулсан 2-р шатны зөвлөгөө өгөх байгууллага бөгөөд мэргэжлийн түвшинд оношлох, зөвлөгөө өгөх, эмчлэн засах үйлчилгээг авч болно.
Ви(Wee) скүл
Сургуулиас завсардсан зэрэг байдлын улмаас урт хугацааны эмчилгээ, сургалт шаардлагатай өндөр эрсдэлт бүлгийн сурагчийг дэмжиж ажиллахын тулд хот, мужийн Боловсролын газарт байгуулагдсан 3-р шатны зөвлөгөө өгөх байгууллага бөгөөд орлуулах сургалтын хөтөлбөр зэрэг төрөл бүрийн зөвлөгөө, засал эмчилгээ, сургалтын үйлчилгээг авч болно.
(3)Олон нийтийн байгууллага∙компани
Сургуулийн хүчирхийлэлтэй тэмцэх SOS дэмжлэгийн баг
Пүрэн Намү сангаас ажиллуулдаг сургуулийн хүчирхийлэлтэй тэмцэх SOS дэмжлэгийн баг нь сургуулийн хүчирхийлэлд өртсөн сурагч болон хохирол учруулсан сурагч, тэдний гэр бүл, сургуульд сургуулийн хүчирхийллээс сэргийлэх, асуудлыг шийдвэрлэх, хэвийн байдалдаа ороход нь туслах төрөл бүрийн хөтөлбөр явуулж, суурин утас (☎1588-9128) болон онлайн(www.btf.or.kr)-аар ашиглах боломжтой
Хүүхдэд зөвлөгөө өгөх 1388
Хүүхдэд зөвлөгөө өгөх 1388 нь Эмэгтэйчүүд, гэр бүлийн яамнаас ажиллуулдаг зөвлөгөө өгөх үйлчилгээ юм. Сургуулийн хүчирхийллийн хохирогч юмуу сурагчдийн харилцааны асуудал зэргийн талаар мэргэжлийн зөвлөгөө өгөх багштай 365 өдөр 24 цагаар холбогдож зөвлөгөө авах боломжтой. Суурин утас(☎1388), онлайн(www.cyber1388.kr), мессеж, какаоталк(#1388) ашиглаж болно.
Сандами сэйм
Сандами сэйм нь Боловсролын яам, KB Күүкмин баг, kakao, Нээлттэй эмч нарын нийгэмлэг хамтран сургуулийн хүчирхийлэлтэй холбоотой зөвлөгөө, эмчилгээний зардалд дэмжлэг үзүүлэх мобайл сэтгэлзүйн зөвлөгөө үзүүлэх үйлчилгээ юм. ‘Какао талк’-аас “Сандами сэйм” гэж хайн найзаар нэмсний дараа мессеж илгээвэл мэргэжлийн хүнээс зөвлөгөө авч болно(Зөвлөгөө авах цаг : Ердийн өдөр 10:00~24:00, Амралтын өдөр/Бүх нийтээр амрах тэмдэглэлт өдөр орохгүй). Зөвлөгөө авсан хохирогч болон хохирол учруулагч сурагч, өндөр эрсдэлт сурагчдаас сар бүр 10 сурагч шалгаруулан 800.000-аас доошгүй воны сэтгэлзүйн эмчилгээний зардлыг нь хариуцдаг.
『Wee』 : “We(Бид)+education(Боловсрол)”, “We(Бид)+emotion (Сэтгэл хөдлөл)”гэсэн үгний товчлол юм
-
- 1-р шатны Safe-netВи(Wee) анги
-
- Сургуульд байгуулдаг
- Сургуулийн орчинд дасан зохицохгүй байгаа сурагчийг эрт үед нь илрүүлэх, урьдчилан сэргийлэх болон сургуульд дасан зохицох чадварыг нэмэгдүүлэх
- Жирийн сурагч болон сургуулийн орчинд дасан зохицохгүй байгаа сурагч(Сургуулийн хүчирхийлэл, сургууль завсардахад хүрэх, гадуурхагдах, хүмүүстэй харилцах харилцаа, хэвлэл мэдээлэлд автах, ёс бус үйлдэл хийх)
-
- 2-р шатны Safe-netВи(Wee) төв
-
- Орон нутгийн боловсролыг дэмжих газраас байгуулдаг.
- Аюулд өртсөн сурагчид мэргэжлийн онош зөвлөгөө өгөх тохирсон үйлчилгээг үзүүлдэг.
- Сургууль дээр эмчилгээ засал хийх боломжгүй бөгөөд сургуулиас сурагчийн өмнөөс хүсэлт гаргасан болон зөвлөгөө авахыг хүссэн сурагч
-
- 3-р шатны Safe-netВи(Wee) скүл
-
- Хот·м у жийн бол овсролын газраас байгуулдаг.
- Урт дунд хугацаанд эмчлэх шаардлагатай сурагчид чиглэсэн үйл ажиллагаа явуулдаг
- Урт дунд хугацаанд эмчилгээ засал·сургалт шаардлагатай сурагч
