Information Plus
Данури дуудлагын төв
1577-1366
Гэр бүлийн зөвлөгөө өгөх дуудлага
1577-4206
한국생활안내 정보더하기 사이트로 이동
  • Эрүүл гэр бүлийн төлөөх Солонгосын институт

Данури дуудлагын төв : 1577-1366

가족상담전화 : 1644-6621

2021 Web Award Winner 2023 A.N.D Award Winner

21, давхар, 173 Toegye-ro, Jung-gu, Seoul (Chungmuro ​​3-ga). Намсан талбайн барилга)

Copyright ⓒ KOREA INSTITUTE FOR HEALTHY FAMILY. All Rights Reserved

이전 페이지로

Нийтийн үйлчилгээний газар ашиглах

  • Home
  • Солонгосчуудын аж амьдрал ба ахуй соёл
  • Нийтийн үйлчилгээний газар ашиглах

Нийтийн үйлчилгээний газар ашиглах

01Эмэгтэй үсчин - Миюншил

Хими, тайралт, үс будах, хумс засах, нүүр будах зэрэг үйлчилгээ хийдэг. Үнэ нь ямар үйлчилгээ хийлгэснээс шалтгаалан харилцан адилгүй байдаг. Энгийн үс засалт ихэвчлэн 10.000 ~ 30.000 орчим вон байдаг. Үс буржийлгах үйлчилгээ нь 20,000 воноос дээш ба 100,000 вон хүртэл маш олон янз байдаг.

02Халуун усны газрын төрөл

Солонгосын халуун усны газрыг халуун усны газар(мугюгтан), саун, халуун уурын газар (жимжилбан) хэмээн ангилж болно.

  • Муг-югтан: Энд халуун хүйтэн устай жижиг усан сан болон шүршүүр байдаг. Нэг удаагийн үйлчилгээний төлбөр 6,000~10,000вон.
  • Саун : Ванн, шүгшүүрийн өрөө, амралтын өрөө бас бий. Төлбөр нь ямар үйлчилгээг ашигласнаас шалтгаалан өөр.
  • Хуурай саун : Ванн, шүгшүүрийн өрөө, амралтын өрөө, унтлагын өрөө бий. Халуун шүршүүрээс бусад нь эрэгтэй, эмэгтэй бүгд ашиглах боломжтой юм. Төлбөр нь ямар үйлчилгээг ашигласнаас шалтгаалан өөр.
  • Саун болон хуурай саунд ороход амралтын өрөө, унтлагын өрөө, дасгалын төхөөрөмж гэх мэт доторх байгууламж, төхөөрөмжүүдийг ашиглах хураамж багтсан байдаг. Хоол авч идэх, гоо сайхны үйлчилгээнд орох, массаж хийлгэхэд нэмэлт төлбөр төлнө. Мөн бие үрэх төлбөрт үйлчилгээ ч бас байдаг.
  • Бие угаах танхим дахь усан сан 43-45℃ хэм, халуун амрах өрөөний доторх хэм 40-70℃ хэм, ууран саун 70-100℃ хэм, хуурай саун 70-130℃ хэм байдаг. Биеийнхээ онцлогт тохируулан зөв орж хэрэглэх юм бол биед хуримтлагдсан бохир эд эс гадагшлахын зэрэгцээ мэдрэлийн ядаргаа тайлагдан, булчин тайвширах эерэг үйлчилгээтэй.
Мэдэхэд илүүдэхгүй
Халуун усны газар

Солонгос бол усанд орох соёл онцгой хөгжсөн газар. Ихэнх Солонгосчууд 1-2 долоо хоногт нэг удаа нийтийн халуун усны газарт очиж биеэ зүлгэж хирээ арилгадаг. Халуун усны танхим руу орохдоо бүх хувцасаа тайлдаг. Солонгост хамтдаа халуун усанд орохоор явна гэдэг нь төдий хэмжээгээр дотно харьцаатай гэдгийн илэрхийлэл болдог. Дотно биш бол чармай нүцгэлчээд хамт усанд орно гэдэг амаргүй ажил. Ийм соёл байхгүй орны хүмүүст энэ нь их эвгүй санагдаж дасахад хэцүү байж болох юм. Зарим үед халуун усанд орохоор очсон гадаад хүмүүс дотуур хувцастайгаа усанд орж Солонгосчуудыг гайхшруулдаг. Олон хүмүүсийн дунд нүцгэн зогсож усанд орох нь хэдийгээр эвгүй байж болох ч Солонгос халуун усны газраар үйлчлүүлэхийг хүсвэл ёс дүрмийг нь дагахаас өөр аргагүй юм.

Нийтийн халуун усанд орж болохгүй үе бас бий.

Эрүүл мэндийн хувьд хэвийн хүн байлаа ч халуун газарт хэтэрхий удаан унтах нь сайн зүйл биш юм.
Нэн ялангуяа жирэмсэн эмэгтэйчүүд, зүрхний өвчтэй хүмүүсийн эрүүл мэндэд аюултай тул огт орж болохгүй.
Саунд суухад хөлс их гардаг тул 30 минут тутамд 1 аяга ус ууж шингэнээ нөхөж байх хэрэгтэй. Дотроо ундны ус үнэгүй байдаг бөгөөд хийжүүлсэн ундааг худалдан авч ууж болно. Хааяа нэг, шөнө архи их уусны дараа жимжилбан юм уу саунд очиж хоноод маргааш өглөө нь тэндээсээ шууд ажилдаа явдаг хүмүүс бий. Гэвч архи уух үед биеийн доторх шингэний хэмжээ багасдаг тул жимжилбанд орж хөлсөө их гаргах нь эрүүл мэндэд муугаар нөлөөлдөг. Мөн арьсны өвчтэй юм уу халдварт өвчтэй хүн байх юм бол хэзээ ч нийтийн халуун усанд орж болохгүй.

Нийтийн халуун усны газар усанд орохдоо
  1. 1Усан санд орохоос өмнө шүршүүрт орж толгойгоо угаана.
  2. 2Халуун устай усан сан дотор 5-10 минут сууж хөлсөө гаргана.
  3. 3Усан сангаас гарч гараар болон бие угаагч алчуураар биеэ үрэн хирээ арилгана.
  4. 4Өөрийн таашаалд тохируулан хүйтэн устай санд орох юм уу хуурай саунд орно.
  5. 5Угаах өрөөнөөс гарахын өмнө дахин нэг удаа шүршүүрт орно.
Халуун усны газар заавал мөрдөх дүрэм

Дотуур хувцастайгаа угаах өрөөнд орж болохгүй. Усан сан дотор биеэ үрж болохгүй. Халуун ус болон саван байгаа гээд хувцасаа угааж болохгүй.

03Эмнэлэг

Хүний өвчин эмгэгийг эмчлэх, өвчнөөс сэргийлэх, эмнэлгийн тусламж үйлчилгээг үзүүлдэг газар юм. Дагнасан эмнэлэг, нэгдсэн эмнэлэг, ардын эмнэлэг зэрэг олон төрлийн эмнэлэг байдаг. Өвчний байдал, эмчилгээний аргаас шалтгаалан эмчилгээний төлбөр нь харилцан адилгүй байдаг. Эмнэлгийн талаарх дэлгэрэнгүй мэдээллийг '7-р бүлэг. Эрүүл мэнд ба эмчилгээ үйлчилгээ>3. Эмнэлгийн байгууллага' хэсгээс авна уу.

04Эмийн сан

Эм олгодог газар бөгөөд эрүүл мэндийг дэмжих эм, эмчилгээнд зориулагдсан эм зэргийг худалдаалдаг газар юм. Эмийн санг улсаас зөвшөөрөл авсан эм зүйч л ажиллуулахаар хуулиар зохицуулагдсан эм олгохоос гадна эм хэрхэн уух аргыг зааж өгдөг. Эмчийн өгсөн жорыг эмийн санд өгсөнөөр эмийг худалдаж авна..

05Худалдааны газар

Төрөл бүрийн хүнсний бүтээгдэхүүн, өргөн хэрэглээний барааг худалдаалдаг. Бага хэмжээний дэлгүүрээс авахуулаад том хэмжээний дэлгүүр байдаг. Таатай орчныг бүрдүүлсэн, чанар, үйлчилгээ сайн байдаг тул үйлчлүүлэгчид олон байдаг. Зарим тохиолдолд барааг хямдралтай үнээр худалдан авч болох тул эдийн засгийн хэмнэлттэй юм.

06Кинотеатр

Кино үзвэрийн газар юм. Сүүлийн үед кинотеатр бүр өөрийн онцлогтой бөгөөд 3D, 4D кино танхимтай бөгөөд үзэгчдийн тав тухыг хангахын тулд төрөл бүрийн үйлчилгээг үзүүлдэг. Өглөөнөөс орой хүртэл кинотеатр ажилладаг

07Байр сууцны дэргэдэх цэцэрлэгт хүрээлэн

Тосгоны иргэдэд зориулсан цэцэрлэгт хүрээлэн юм. Тухайн газрын нөхцлөөс шалтгаалан томхон эсвэл багахан хэмжээний байдаг бөгөөд хүүхдийн тоглоомын талбай, насанд хүрэгсдэд зориулсан дасгалын төхөөрөмж суурилагдсан байдаг. Цэцэрлэгт хүрээлэн нь оршин суугчдийн эрүүл мэнд, сэтгэл санаанд тус дэмтэй юм.

สามารถใช้งานได้ตามเงื่อนไข “KOGL (ลิขสิทธิ์เปิดเผยซอร์ซโค้ดของเกาหลี) ประเภท 4: ระบุแหล่งซอร์ซโค้ด+ห้ามใช้ในเชิงพาณิชย์+ห้ามทำการเปลี่ยนแปลง”
Өмнөх
Олон нийтийн байгууллага
Дараагийн
Жирэмслэх ба амаржих