Aklat-pamatnubay sa Paninirahan sa Korea

Naghahandog ang pamahalaan ng Korea at iba pang mga pribadong organisasyon ng mga programa at serbisyong naglalayong tulungan ang mga dayuhan sa kanilang paninirahan sa Korea. Ilan sa mga serbisyong inihahandog nila ay ang pag-aaral ng wikang Koreano, edukasyon tungkol sa kultura ng Korea, pagpapayo, at iba pa. Maaaring magamit lalo na ng mga dayuhang kararating pa lamang sa Korea at nakakaranas pa ng kahirapan sa komunikasyon dahil sa problema sa wika at kakulangan ng kaalaman sa kultura, ang mga serbisyong gaya nito na inihahatid ng iba’t ibang mga organisasyon.

Kinakailangang pag-aralan ang wikang Koreano upang mapadali ang buhay sa Korea at upang maintindihan ang kulturang Koreano. Kaya naman maraming institusyon na libre na puwedeng mapasukan ng mga dayuhan para mapag-aralan ang wikang Koreano. Buti na lamang at maraming mga organisasyon ang naghahandog ng libreng klase para sa wikang Koreano, gaya ng mga multicultural family support centers, migrants’ centers, at mga eskwelahan para sa wikang Koreano.

Ang mga edukasyonal na programa para sa kultura at pamumuhay sa Korea ay inihahandog upang tulungan ang mga residenteng dayuhan na malagpasan ang kanilang kinakaharap na problema pagdating sa pamumuhay sa Korea sanhi ng pagkakaiba sa kultura at paraan ng pamumuhay (lifestyle). Mayroon ding mga talakayan at mga programa para sa pag-unawa ng multikulturalismo, mga batas, karapatang pantao, pag-aasawa, pamilya at adaptasyon sa lipunan ng Korea.

Karamihan ng mga kabahayan sa Korea ay nagmamay-ari ng computer. Bukod pa diyan, napakaunlad at advance ng internet network sa Korea. Sa pamamagitan ng internet, maraming makukuhang mga impormasyon at magagamit na mga online services kagaya ng internet banking at iba pang serbisyong pang-administratibo. Kaya naman, naghahandog din ang mga multicultural family support centers, mga migrant centers at iba pang organisasyon ng mga klase para impormatisasyon (informatization) Para tulungan ang mga dayuhang residente na matutunan ang paghahanap ng mga impormasyon gamit ang internet at kung paaano gamitin ang iba’t ibang computer applications at programs.

Ang serbisyong pagpapayo o konsultasyon ay inihahandog upang tulungan ang mga dayuhang residente na nakakaranas ng kahirapan sa Korea sa pamamagitan ng pagbibigay ng mga payo upang masolusyunan ang kanilang problema (tungkol sa pamilya, pagtatrabaho, paninirahan, batas at iba pa).