Aklat-pamatnubay sa Paninirahan sa Korea

Natatangi ang buhay pamilya sa Korea. Ang mga migranteng kasal sa Koreano na nakakaunawa sa katangian ng pamilyang Koreano ay mas madaling makibagay sa kanilang bagong pamilya, at maunawaan ang kultura sa Korea. Magkakaiba ayon sa pamilya at rehiyon ang kultura ng bawat pamilya. Gayunpaman, ang kultura ng Korea ay base sa Confucianismo. Ang kultura ng pamilya ng Korea ay may pagkakahalintulad sa mga bansang sakop ng kulturang Confuncianismo, subalit mabilis ang ipinagbago nito sa pagsulong ng industrialisasyon.

Sa pamamagitan ng pag-aasawa o pagpapakasal, ang mga indibidwal na may pagkakaiba sa relasyon ng pamilya, paraan ng pamumuhay at paraan ng pag-iisip o pag-unawa ay nagiging isang pamilya. Sa kadahilanang ito, mahalaga na mapag-usapan o maisaayos ang pagkakaiba ng pananaw sa paraan ng pamumuhay sa simula pa lamang ng buhay mag-asawa. Masasabing ang 2 tao na kabilang sa international marriage na may pagkakaiba ng background o pinagmulan na kultura ay may mas malaking pagkakaiba sa pananaw sa paraan ng pamumuhay patungkol sa buhay may-pamilya. Kung sakaling nakakaranas ng kahirapan sa usaping buhay may-pamilya dulot ng pagkakaiba ng paniniwala ng asawa, ang mga sumusunod ay ilan sa mga iminumungkahing mga pamamaraan.

Iba’t ibang mga titulo o panawag ang ginagamit upang magpakita ng galang sa mga tao. Ang mga pangalang ugat sa wikang Koreano, gayundin ang mga pangalan na ugat sa wikang Tsino, ay parehong ginagamit sa panawag o titulo. Ang maling paggamit ng panawag o titulo ay maaaring magpakita ng kawalang-galang na siyang magdudulot ng hinanakit sa iba. Dahil dito, ang maling paggamit ng titulo o panawag sa isang tao ay nagdudulot ng pagpapakita ng kabastusan ng isang tao kung kaya’t kinakailangan ng pag-iingat sa paggamit nito. Sa Korea, gumagamit sila ng ‘titulo’ bilang magalang na Paraan sa pagtawag sa isang tao. Gumamit din sila ng iba pang mga ‘panawag o designations’ Para magpakitang galang sa kausap.

Sa Korea, may kaunting pagkakaiba sa wika depende sa edad, relasyon at katayuang panlipunan ng tao. Ang antas ng paggalang ay ginagamit sa mga mas nakatatanda at ang hindi gaanong pormal na wika ay ginagamit sa mga mas nakababata.

Sa buhay may-pamilya, maraming mga mahahalagang okasyon tulad ng mga kaarawan, kasal, at pagkamatay ng mga miyembro ng pamilya at kaibigan. Ang mga ito ay mahalaga sa indibidwal at sa pamilya, upang makasama ang mga miyembro ng pamilya sa ganitong mga klase ng okasyon.

Mayroong tradisyunal at modernong kasalan sa Korea. Sa kasalukuyan, hindi na masyadong isinasagawa ang tradisyunal na kasalan at mas madalas na ang pagsasagawa ng modernong kasalan. Isinasagawa ang modernong kasalan sa wedding halls, hotel, simbahan, templo, atbp. Para sa okasyon ng pagsasagawa ng sermonya ng kasal, nagsusuot ng tuxedo ang lalake at ang babae naman ay nagsusuot ng puting gown. Kahit sa makabagong pamamaraan ng pagsasagawa ng seremonya ng kasal, idinaraos pa din ang seremonya ng pagpapakilala ng mga magulang at kaanak ng mga bride at groom na kahalintulad nang sa tradisyonal na sermonya ng kasal. Ang pagsasagawa ng nasabing seremonya ng pagpapakilala ay tinatawag na ‘pyebaek'.

Nagsusuot ang pamilya ng mga damit pangluksa habang dinadamitan nila ang namatay ng bistidura. Sa pangkalahatan, inihahanda na ang mga bistidura para sa mga nakatatanda habang sila ay buhay pa. Nagiiba ang mga bistidura sa bawat kabahayan at rehiyon. Sa ilang mga kaso, pinapasuot ang namatay ng damit na yari sa abaka, maaari itong kulay itim o puti. Dapat iwasan ng mga dadalaw sa munsang* ang pagsuot ng damit na may matitingkad na kulay at itim o puting bestida na lamang ang isuot. Sa munsang, dapat ay magbigay-galang at magdasal kasama ang naulilang pamilya. Nagbibigay din ng abuloy na pera ang mga tao bilang pakikiramay.

Ang seremonya bilang paggalang sa namatay na mga magulang ay isinasagawa sa mismong araw ng kamatayan o sa gabi bago ang araw ng kamatayan. Ang mga taong bahagi ng seremonya ay nagsusuot ng simpleng kasuotan at dala-dala ang damdamin sa pagbibigay galang sa namatay. Ang pagsasagawa ng seremonyang ito ay maaaring may pagkakaiba-iba batay sa kultura ng pamilya at sa relihiyon na pinapahalagahan.