Aklat-pamatnubay sa Paninirahan sa Korea

Matapos alamin ng mga salarin (scammers) ang phone number ng anak at magulang, papalsipikahin nila ang phone number ng anak at saka tatawagan ang magulang nito upang ipaalam na ‘di umano’y nakidnap ang kanyang anak na nasa eskwelahan o nasa ibang bansa para mag-aral, o naaksidente ang anak na nasa military at iba pang hindi makatotohanang kwento upang makakuha ng pera mula sa magulang.

Matapos i-hack ang ID at password sa internet messenger ng ibang tao, magla-log-in ang salarin at saka magpapadala ng text message o Private Message (PM) sa mga nakalistang pamilya at kaibigan ng na-hack na account. Gagawa sila ng mensaheng nagsasabing ang biktima ay nangangailangan ng pera dahil siya ay naaksidente, naswindle, at iba pang taktika upang mahikayat na magpadala ng pera ang kapamilya’t kaibigan ng biktima.

Nagpapadala sila ng notipikasyon sa text na mula kunwari sa mga pampinansiyal na institusyon o FSS (hal. security upgrades, pagche-check Para sa mga pagbunyag ng personal na impormasyon at iba pa). Matapos itong maconnect sa phishing site, iuutos nito na ipasok ninyo mga pampinansiyal na impormasyon na kailangan Para sa pagtatransaksyon sa bangko. Kapag nakuha na nila ito, saka nila ito gagamitin upang umutang o mag-loan sa mga bangko.

Tinatawagan nila ang mga matatandang nasa edad 50~70 taong gulang upang tiyakin kung sila’y nagmiyembro ba sa telebanking. Matapos nilang matiyak ito, magsisinungaling sila at sasabihing nasangkot ang biktima sa pagnanakaw, pagbunyag ng impormasyon, at iba pang krimen. Kapag nakuha nila ang tiwala ng biktima, saka nila itatanong ang mga kailangang impormasyon sa telebanking (resident registration card, password sa pagtatransfer ng pera, password ng bank book, security card serial number, code ng security card, atbp.). Kapag nakuha nila ito at saka nila ipapadala ang pera sa kanilang personal account.

May magpapanggap na taga-ahensiya ng imbestigasyon at tatawag ito sa isang pwedeng biktimahin. Sasabihan nito ang biktima na kinakailangan niyang i-check ang kanyang bank account dahil nasangkot ito sa isang insidente (krimen). Ang biktima naman ay gagamit ng ATM na operated na ng mga salarin.

Pagsisinungaling na ang credit card ng biktima ay nasangkot sa mga krimen gaya ng pagnanakaw, pagbunyag ng impormasyon at iba pa. Kapag nakuha na nila ang mga kinakailangang impormasyon Para sa paggamit ng credit card (card number, password, CVC number). Gamit ang ARS, kukuha ng loan ang mga salarin gamit ang iyong pangalan at impormasyon, na siya namang ita-transfer sa iyong account ng nasabing bangko. Saka tatawag silang ulit sa iyo upang ipaalam na nagkamali ang ahensiya sa pagtransfer ng pera sa iyo kung kaya’t kinakailangan mo raw ulit itransfer sa isang bank account na pagmamay-ari ng mga salarin.

☎112 (walang area code), o sa Internet Development Agency ☎118 (walang area code), o sa FSS ☎1332 (walang area code).